د پاکستان سپر ليګ خوندور ميچونه جاري ،د ايونټ اهم ميچ کښې حيدر آباد کنګز مېن په يوسل، اتۀ رنز راولپنډيز ته شکست ورکړې ،د حيدرآباد د دوه سوه، پنځه څلويښت رنز هدف د راولپنډيز ټول ټيم اتلسم اوور کښې يوسل،شپږ ديرش رنز باندې آؤټ شوې،بلخوا د ايونټ څلور ټيمونو پلے آف ته کواليفائي کړې، کراچي او لاهور ټيمونه دغه زغل نه پاتې شويدي ۔
کراچۍ کښې لوبيدلې د پي ايس ايل يوولسم ايډيشن نهه ديرشم ميچ کښې حيدر آباد کنګز مېن اول بېټنګ کړې وو او مقرره اوورز کښې ئې شپږ وکټو په زيان دوه سوه، څلور څلويښت رنز جوړ کړي وو ۔
حيدر آباد طرف نه ګلِن ميکسويل اوويا، عثمان خان څلور پنځوس او کوسال پريرا پنځوس رنز جوړ کړي وو، د مقرره هدف په تعاقب کښې د پنډۍ ټول ټيم اتلسم اوور کښې يو سل، شپږ ديرش رنز باندې آؤټ شوې، او يو سل اتۀ رنز باندې ئې ميچ بيللې دې ۔
پنډۍ لخوا ټولو نه زيات عثمان خواجه شپږ شپيتۀ او کپتان محمد رضوان شپږ ويشت رنز جوړ کړي وو،حيدر آباد طرف نه حنين شاه څلور او عاکف جاويد درې وکټې په خپل نوم کړي دي ۔
دې ميچ کښې راولپنډيز ته شکست ورکولوسره حيدر آباد د ټورنامنټ پلے آف ته هم کواليفائي کړې، کراچي کنګز او لاهور قلندرز د پلے آف زغل نه بهر شويدي ۔
پوائنټس ټېبل باندې پيښور زلمي په ټاپ، ملتان سلطانزدوئم ،اسلام آباد يونائټډ دريم او حيدر آباد کنګز مېن په څلور نمبر راغلې او دوي د ايونټ پلے آف مرحلې ته هم رسيدلي دي ۔
