وزيراعظم شهباز شريف سره د خېبر پښتونخوا ګورنر فيصل کريم کنډي ملاقات، د صوبې امن و امان،سياسي صورتحال او د شريکې دلچسپې په معاملو خبرې شويدي،وزيراعظم د خېبر پښتونخوا د ترقۍ او د صوبې د اولس خېر خېګړې کارونو کښې د وفاقي حکومت د هر قسم مرستو باور ورکړې،انجنئير امير مقام او رانا ثنا الله هم په دې موقع موجود وو ۔
اسلام آباد: وزيراعظم شهبازشريف وئيلي دي چې خېبر پښتونخوا کښې به د ترقۍ او د اولس د خېر ښيګړې کارونو سفر جاري ساتو، بلخوا وزيراعظم په ملک کښې د تيز بارانونو او ممکنه سيلابي صورتحال په وړاندې ټولو متعلقه ادارو ته د تيار اوسيدو هدايت هم کړېدې ۔
وزيراعظم شهبازشريف سره د خېبر پښتونخوا ګورنر فيصل کريم کنډې اهم ملاقات کړې، چې پکښې د صوبې امن و امان، سياسي حالاتو او د وفاي او د باهمي دلچسپۍ په نورو چارو د خيالاتو بدلون شويدې ۔
په دې موقع وزيراعظم شهبازشريف د دې خبرې پخلې کړې چې وفاقي حکومت به خېبرپښتونخوا کښې د ترقۍ او د اولس د خېر ښيګړې کاررونه جاري ساتي ۔
دواړو مشرانو ترمينځ ملاقات پر مهال د وفاقي حکومت او صوبې ترمينځ يو والي او اولسي ستونزو حل کولو لپاره نور کوششونو باندې زور راوړې شويدې ۔
دې نه وړاندې وزيراعظم شهبازشريف سر د نيشنل ډيزاسټر مينجمنټ اتهارټي چيئرمين ليفټننټ جنرل انعام حيدر ملک ملاقات کړې ، په دې موقع د اين ډي ايم اے چيئرمين ملک کښې بارانونو جاري لړۍ او ممکنه سيلابي صورتحال باندې وزيراعظم ته بريفنګ ورکړې شويدې ۔
په دې موقع وزيراعظم په ملک کښې د تيز بارانونو او ممکنه سيلابي صورتحال په وړاندې ټولو متعلقه ادارو ته د تيار اوسيدو هدايت هم کړېدې ۔
