د متحده قامونو سلامتي کونسل بلوچستان کښې جعفر ايکسپريس باندې د ترهه ګرو د بزدلانه حملې په سختو ټکو کښې غندنه کړې او د نړۍ په ټولو هيوادونو ئې زور راوړې چې پاکستان سره دې دې لړ کښې هر قسمه مرستې اوکړي ۔
د سلامتي کونسل وياند لخوا جاري بيان کښې د جعفر ايکسپريس حملې ژوبل کسانو زر تر زره صحتيابۍ لپاره دعا هم شوې، او د دې خبرې پخلې شوې چې هر قسمه ترهه ګري بين الاقوامي امن او سلامتيا لپاره يوه سنګين خطره جوړه شوېده ۔
سلامتي کونسل دغه حمله کښې ککړ ټول ترهه ګر، تنظيمونه،سهولت کاران او د ترهه ګرو مالي مرستې کونکي د انصاف کټهرې ته راوستو باندې هم زور راوړې دې ۔
د متحده قامونو سلامتي کونسل د نړۍ ټولو ملکونو باندې زور راوړې چې هغوي بين الاقوامي قوانين او متعلقه سيکيورټي کونسل قراردادونو مطابق دې د پاکستان حکومت سره په فعاله توګه مرستې اوکړي ۔
د سلامتي کونسل اراکينو په ډاګه کړې چې د ترهه ګرۍ داسې بزدلانه پيښو يو جواز هم قابلِ قبول نۀ دي، د داسې پيښو په شا چې هر قسمه محرکات وي، چرته چې هم وي، او د چا په ذريعه چې هم داسې پيښې کړې شوي وي ۔
سلامتي کونسل غږ کړې چې د اقوام متحده چارټر،بين الاقوامي بشري حقونو قوانين، د پناه ګزينو قوانين او بين الاقوامي قوانين دې استعمال کړي او د ترهه ګرۍ د خطراتو مقابله دې اوکړي ۔
