آئي ايس پي آر وائي چې بنو کينټ کښې د ترهه ګرۍ حمله ناکام کړې شويده، جوابي کاروائې کښې شپاړس ترهه ګر وژلي شويدي ۔
آئي ايس پي آر ترمخه شرخوښو د کينټ سيکيورټي ماتولو کوشش کړي وو، د بارودي موادو ډک دوه ګاډي ئې د کينټ ديوال سره جنګولي وو او دې نه پس بيا خؤدکش حملې شوې وې ۔
آئي ايس پي آر مخکښې وئيلي دي چې دغه حملو لوجې نيزدې جومات او خواؤشا کورونو ته هم نقصان رسيدلې دې ۔
شرخوښو حمله کښې پنځه سيکيورټي اهلکار او ديارلس بے ګناه وګړي هم شهيدان شوي، او دوه ديرش کسان ژوبل شوي دي ۔
د پاک فوج تعلقات عامه ادارې آئي ايس پي آر لخوا جاري شوي بيان مطابق د خفيه اطلاعاتو نه دا خبره ثابته شوې چې بنو ترهه ګرۍ حملې منصوبه بندي افغانستان کښې شويده ۔
آئي ايس پي آر وئيلي دي چې پاکستان توقع لري چې افغان عبوري حکومت به خپلې ذمه وارې ترسره کړي او خپله خاوره به د پاکستان خلاف استعماليدو ته ورنکړي ۔
آئي ايس پي آر واضحه کړې چې پاکستان سرحد پار حملو خلاف د اقداماتو پورته کوؤلو حق لري ۔
