وزيراعظم شهبازشريف د پمز پيښه باندې د هسپتال ايګزيکټيو ډائريکټر پروفيسر ډاکټر عمران سکندر پشمول اتۀ کسان فوري معطل کولو او هغو خلاف محکمانه و فوجداري کاروائي کولو منظوري ورکړې، معطل کسانو کښې جوائنټ ايګزيکټو ډائريکټر ډاکټر مطاهر شاه او ډاکټر اويس علي شاه شامل دي، اعلاميه مطابق وزيراعظم ډاکټر محمد سلمان د پمز قائم مقام ايګزيکټيو ډائريکټر تعينات کولو هدايت کړې،وزيراعظم وئيلي چې د پمز پيښې ذمه دارانو ته به مثالې سزا ورکولې شي ۔
اسلام آباد: اعلاميې ترمخه وزيراعظم شهبازشريف په مشرۍ کښې د پمز پيښې په اړه اعلیٰ پائے اجلاس شوې، اجلاس کښې وزيراعظم ته د پمز انکوائري کميټۍ تحقيقاتي رپورټ پيش کړې شوېدې ۔
وزيراعظم د کميټۍ په نشاندهي اتۀ کسانو فوري معطل کولو او ذمه دارانو خلاف محکمانه او فوجداري کاروائي کولو منظوري ورکړې ده ۔
دغه اتۀ کسانو کښې د پمز ايګزيکټو ډائريکټر پروفيسر ډاکټر عمران سکندر هم شامل دي، په سيکيورټي مامور کمپنۍ او عهديدارانو خلاف کاروائۍ هم منظوري ورکړې شوېده ۔
جوائنټ ايګزيکټو ډائريکټرز ډاکټر مطاهر شاه او ډاکټر اويس علي شاه هم معطل شوي کسانو کښې شامل دي،ډاکټر نوشيله امجد، اسسټنټ ډائريکټر سيکيورټي محمد عثمان، سي ډي اے ايمرجنسي سروس ډي جي عبدالرحمان هم شامل دي ۔
پمز پيښې کښې يو ماشوم بچ کونکې نرس رضيه نورين ته ستاره خدمت ورکولو او يو کروړ روپۍ انعام ورکولو منظوري ورکړې شوېده، وزيراعظم د ډاکټر محمد سلمان د پمز قائم مقام ايګزيکټو ډائريکټر په څوکۍ تعينات کولو منظوري ورکړېده ۔
وزيراعظم اووئيل چې د مجرمانه غفلت مرتکب کسان څه قسمه رعايت مستحق نه دي، د پمز پيښې ذمه داران به خپل انجام ته رسولې شي، د ماشومانو په مرګ ټول قام غمګين دې، د ماشومانو خپلوانو سره د ټول قام همدرديانې دي ۔
