د سندهـ سينئر وزير شرجيل ميمن وئيلي دي چې تحريک انصاف کراچې کښې د نهمې مئي پشان حملي دوباره کولو کوشش کولو، ولې صوبائي حکومت د تحمل مظاهره کړې ده،مونږ د چا خلاف ايف آئي آر نۀ کټ کړې، او پي ټي آئي زمونږ د شرافت نه غلطه فائده اخستې ده، شرجيل ميمن مطابق په اتمه فرورۍ به هيچا ته د پهيه جام هړتال اجازت ورنکړو ۔
کراچۍ کښې خبري غونډې ته وينا کښې د سندهـ سينئر وزير اووئيل چې اطلاع ميلاويدو نه پس صوبائي حکومت د خېبر پښتونخوا وزيراعلیٰ سيکيورټي او سهولياتو يقين دهاني کړې وه، سعيد غني پخپله د سهيل آفريدي هرکلې کړې وو ۔
شرجيل ميمن اووئيل چې مونږ پي ټي آئي مشران سيکيورټي انديښنو لوجې بعضې ځايونو ته تلو څخه منع کړي وو، ولې دوي بيا هم د ضابطه اخلاق خلاف ورزي کړې
هغه اووئيل چې دوي يو څو ګهنټې ټريفک کښې ګير شوي وو ، دې کښې د صوبائي حکومت هيڅ کردار نيشته ۔
شرجيل ميمن مطابق دوي ته د جلسې اجازت هم ورکړې شوې وو ، ولې پي ټي آئي بيا د خپلې مرضۍ مطابق باغِ جناح کښې جلسه کولو نه وروستو شو ، او دريز ئې خپل کړې وو چې جلسه به سړک کوي ۔
صوبائي وزير زياته کړې چې پي ټي آئي کراچې د نهمې مئي پشان واقعه کولو کوشش کولو، مونږ د تحمل نه کار اخستې، مقدمې مو پرې هم نۀ دي درج کړي ، او دا چې پي ټي آئي کارکنانو په پوليس پتهراؤ هم کړېدې ۔
شرجيل ميمن مخکښې وئيلي چې مونږ د زړۀ نه د دوي ميلمستيا کړې ولې دوي ترې غلطه فائده اخستې او ادارو خلاف ئې سازشونه هم کړېدي ، او دا چې کوم عزت پيپلز پارټۍ دوه ته ورکړې، دوي پخپله هيچا ته داسې عزت نۀ ورکوي ۔
