د پاکستان سپرليګ خوندور او سنسني خيز ميچونه جاري ،د ميګا ايونټ شلم ميچ کښې کراچي کنګز په اووه اتيا رنز ملتان سلطانز ته ماتې ورکړې،چې ورسره روان سيزن کښې د سلطانز ټيم پلے آف نه بهر شويدې، د دوه سوه پنځه رنز هدف په تعاقب کښې د سلطانز ټول اوولسم اوور کښې يو سل اوولس رنز باندې آؤټ شويدې ۔
لاهور کښې لوبيدلې د پي ايس ايل په شلم ميچ کښې کراچي کنګز ټاس ګټلې وو او پخپله ئې د بيټنګ فيصله کړې وه
کراچي کنګز مقرره اوورنو کښې څلور وکټو په زيان دوه سوه، څلور رنز جوړ کړي وو ۔
کنګز لخوا ټولو نه زيات جيمز وينس پنځه شپيتۀ او عرفان خان څلويښت رنز جوړ کړي وو ،ملتان سلطانز لخوا عبيد شاه دوه او ډيوډ ويلے يو وکټ په خپل نوم کړې وه ۔
د مقرره هدف په تعاقب کښې د ملتان سلطانز ټول ټيم اوولسم اوور کښې يو سل ، اوولس رنز باندې آؤټ شوې او ميچ ئې بيللې دې ۔
ملتان سلطانز طرف نه ټولو نه زيات کامران غلام نهه ويشت او ياسر خان شپږ ويشت رنز جوړ کړي وو، کراچي کنګز لخوا محمد نبي درې، مير حمزه او خوشدل شاه دوه دوه وکټې اخستې وې،شاندار بيټنګ باندې جيمز وينس د ميچ بهترين لوبغاړي ګرځولې شويدې ۔
