حکومت د وفاقي وزيرانواو د قامي اسمبلۍ اراکينو په تنخواګانو کښې د لکونو روپو اضافه کړې، او دې لړ کښې صدر مملکت آرډيننس هم جاري کړيدې ۔
وفاقي حکومت د آرډيننس په ذريعه د وفاقي وزيرانو،وزرائے مملکت اود قامي اسمبلۍ اراکينو تنخواګانې برابر کړيدي،آرډيننس نه پس د دوي تنخوا پنځه لکه ، نورلس زره روپې ته رسيدلې ده ۔
د وفاقي وزيرانو،وزرائے مملکت او د قامي اسمبلۍ اراکينو برابرولو لپاره صدر مملکت آرډيننس جاري کړې دې ۔
آرډيننس ترمخه د وزيرانو او قامي اسمبلۍ اراکينو تنخواګانو کښې درې لکه پورې اضافه شويده، او د دې اطلاق به د روان کال جنورۍ نه وي ۔
آرډيننس نه پس د وزيرانو او اراکينو تنخوا پنځه لکه، نورلس زره روپې مقرر شويده ۔
دې نه وړاندې د وفاقي وزير تنخوا دوه لکه، د وزير مملکت تنخوا يو لک اتيا زره روپې وه، کومې کښې چې اوس يو سل اتۀ اتيا فيصده يعنې درې لکه روپو پورې اضافه شويده ۔
