چې پاکستان کله حمله اوکي نو په نظر به هم راځي او آواز به ئي هم اوريدلې شي، بهارتي ميډيا ته به خبر ورکولو ضرورت نه وي،ډي جي آئي ايس پي آر، وائي چې پاکستان لخوا د بهارت پينځلس مقاماتو کښې حملو کولو خبر دروغ دي،بهارت څلور ميزائل په امرتسر داغلي او الزام ئي په پاکستان لګولې، تر اوسه پورې مونږ د هند نهه ويشت ډرون راغورځولي ۔
د ډي جي آئي ايس پي آر ليفټننټ جنرل احمد شريف چودهري سره په شريکه خبري غونډې ته نائب وزيراعظم اسحاق ډار اووئيل چې بهارت تيره شپه امرتسر کښې په خپلو خلقو او سيکهانو حملې کړېدي، هندو توا ذهنيت د پاکستان خلاف سوچ او محاذ جوړ ول غواړي ۔
هغه اوئيل چې د بهارت لخوا داخل شوي ډرون راغورځولي شويدي، هند د بهارتي پنجاب سيکهانو ژوند په خطره کښې اچولې دې، پنډي کښې هم هند ډرون حمله کړېده، سپر ليګ ځائے ئي هم ټارګټ کولو کوشش کړېدې ۔
اسحاق ډار اوئيل چې پاکستان بهارت ته جواب ورکولو حق لري،مونږ به وخت، ځائے او طريقه کار مطابق جواب ورکوؤ، زمونږ فوج اتيه بهارتي طيارو مقابله کړېده، بهارت شهري آبادي په نښه کړېده، بهارت دې دا پهلګام پښې ثبوتونه اوښائي ۔
ډي جي آئي ايس پي آر اوئيل چې هند فوج آدم پور نه په امرتسر څلور ميزائل داغلي دي او الزام په پاکستان لګوي، دوه ميزائل پاکستان ته داخل شويدي کوم چې راغورځولې شويدي ۔
هغه اوئيل چې مودي سرکار خپل ملک کښې فائدے لپاره ډرامه کوي، پاکستان لخوا د بهارت پينځلس مقاماتو باندې حملو خبر دروغ دې، که چرې هند پنځلس ځايانو کښې حملې کړې نو دوي خپل پينځه جهازونه ولې نه دي بچ کړي ۔
ډي جي آئي ايس پي آر زياته کړه چې بهارت پوهيږي چې کله پاکستان حمله اوکي نو بيا به بهارتي ميډيا ته د دې خبر ورکولو ضرورت نه وي، بلکه ټوله نړې ته به پته اولګي، د پاکستان حمله به په نظر هم راځي او آواز به ئي هم اوريدلې شي ۔
