د کويت وزيرخارجه اسلام آباد کښې وزيراعظم ،فيلډ مارشل او وزيرخارجه اسحاق ډار سره جدا جدا ملاقاتونه کړي،ملاقات دوران باهمى دلچپسۍ په چارو او علاقائى صورتحال باندې خبرې شوى،دواړو ملکونه په علاقائى امن ، استحکام او د خوشحالۍ مشترکه وژن لرى او په خليجى ملکونود حملو سخت مذمت شوې ۔
اسلام آباد: پاکستان په دوره راغلې د کويت وزير خارجه وزيراعظم شهبازشريف سره ملاقات کړې او په خليجى ملکونو حملو ئې سخت مذمت کړېدې ۔
وزيراعظم شهبازشريف سره د کويت وزير خارجه شيخ جراح جابر الاحمد الصباح ملاقات دوران د پاکستان کويت تعلقات نور مضبوطولو عزم اظهار شوېدې ، دواړه ملکونو مشکل او خوشحالۍ په هر يو حالت کښې يو بل مرسته کړېده ۔
ملاقات دوران تجارت ، سرمايه کارۍ ، توانائۍ ، زراعت ، آئي ټي او نور يوشمير شعبو کښې په مرستو نور سيوا کولو زور راوړې شوې ۔
دواړو مشرانو په په دې موقع خليجي ملکونو کيدونکې حملو سخت مذمت کړې او ټولې مسئلې ئې د خبرو اترو د لارې هوارولو باندې زور راوړې ۔
بلخوا آئي ايس پي آر وينا ده چې پاکستان په دوره راغلې کويتى وزير خارجه د جى ايچ کيو دوره هم کړې او فيلډمارشل سيد عاصم منير سره ئې ملاقات کړېدې ۔
بيان کښې وئيلى شوى چې فيلډمارشل عاصم منير کويت سره په هر سطح مرسته جاري ساتلو عزم اظهار کړې او وئيلي ئې دي چې دواړو ملکونو ترمينځ د رورولۍ تعلقات دي ۔
دې نه وړاندې کويتى وزير خارجه د خپل پاکستان هم منصب اسحاق ډار سره ملاقات دوران وئيلي چې دواړو ملکونه په علاقائى امن،استحکام او د خوشحالۍ مشترکه وژن لري ۔
