اسلام آباد: کويت د پاکستان لپاره د تيل کريډټ کښې دوه کالو لپاره توسيع کړيده ،د پټروليم وزير علي پرويز ملک وئيلي دي چې وزيراعظم شهبازشريف د کويت او نور برادر ملکونو مرستې سره مشکل معاشي اصلاحاتو کښې کاميابي ترلاسه کړې ده ۔
اسلام آباد کښې د پټروليم وفاقي وزير علي پرويز ملک سره د کويت سفير ملاقات کړې چې پکښې دواړو ملکونو ترمينځ دوه اړخيزه اړيکو او نورو مهمو چارو باندې د خيالاتو بدلون شويدې ۔
په دې موقع علي پرويز ملک پاکستان لپاره خصوصې رعايت باندې د کويت شکريه ادا کړې او وئيلي دي چې وزيراعظم شهبازشريف د کويت اولس، امير کويت او ولي عهد ډير احترام کوي ۔
وفاقي وزير اووئيل چې ټوله دنيا د پاکستان د معاشي فيصلو او بهترۍ ستائنه کوي، عالمي ريټنګ ايجنسۍ هم د پاکستان معيشت غوره ګرځولې دې ۔
په دې د کويت سفير د وزيراعظم شهبازشريف مشرۍ کښې پاکستان معاشي ترقي حاصل کړيده، ملاقات پر مهال دواړو ملکونو ترمينځ دوه اړخيزه اړيکې نورې مضبوطولو باندې اتفاق شويدې ۔
