پيښور: د خېبر پښتونخوا وزیر اعلی سردار علي امين ګنډاپور په مشري کښې دصوبائی کابينې غونډه شوې په کوم کښې چې سرکاری سکولونو ته دمفت کتابونو ورکولو لپاره د فنډ ، د مفت بستو ، د پيرنټ ټيچر کونسل لپاره په سا لانه فنډ کښې د اضافې منظوري ورکړې شویده ۔
صوبائي کابينې دمهمند ډيم نه پيښور ته د څښلو صفا اوبو ورکولو لپاره د واټر سپلائي سکيم او ګورنر انسپکشن ټيم په صوبائي انسپکشن ټيم کښې د ضم کولو منظوري هم ورکړيده ۔
داطلاعاتو مشير بيرسټر محمد علی سيف وئيلیي دي چې صوبائي کابينې په نوې تعلیمی کال کښې ماشومانو ته مفت کتابونه او بستې ورکولو اصولي فيصله کړيده ۔
بيرسټر سيف مطابق کابينې دپيرنټ ټېچر کونسل دپاره سالانه د پينځه اربه روپې نه سيوا کړي او دا ئي اووه اربه روپې کولو منظوري ورکړيده ۔
مشير اطلاعات ووئيلي صوبائی کابيني دصحت سهولت لاندې دمفت ټرانسپلانټ سروس ورکولو فيصله هم کړيده،دغه رنګ کابينې د مهمند ډيم څخه پيښور ته د څښلو صفا اوبو سکيم او دديني مدرسو په ګرانټ کښې د اضافې منظوری هم ورکړيده ۔
