کابل: خارجه وزير اسحاق ډاريو ورځنې دوره باندې کابل ته رسيدلې چرته چې د افغانستان ډپټي خارجه وزير ډاکټر محمد نعيم وردګ، د خارجه وزارت ډي جي مفتي نور احمد،چيف آف سټيټ پروټوکول د اسحاق ډار او پاکستاني وفد تود هرکلې کړېدې ۔
په دې موقع افغانستان کښې د پاکستان هيډ آف مشن سفير عبيدالرحمان نظاماني او د پاکستاني سفارت نور چارواکي هم موجود وو ۔
اسحاق ډار کابل کښې د افغانستان قائم مقام وزيراعظم ملا حسن اخوند سره ملاقات کړې چې پکښې دواړو ملکونو ترمينځ د کډوالو مسئلو، پاک افغان ټريډ، د پولو شخړو او نورو اهم چارو بادنې خبرې شويدي ۔
دې نه پس وزير خارجه اسحاق ډار د افغانستان خارجه وزارت ته ورغلې چرته چې د افغانستان بهرنو چارو عبوري وزير مولوي امير خان متقي د پاکستاني هم منصب هرکلې کړېدې ۔
په دې موقع اسحاق ډار د افغانستان خپل هم منصب امير خان متقي سره ملاقات کړېدې ۔
ملاقات پر مهال دوه اړخيزه اړيکو پراختيا،پولو سيکيورټۍ او پاکستان څخه د افغانانو انخلا په معاملو هم خبرې شويدي ۔
دې دوران د سيمې امن، ترقې او دوه اړخيزه مسائل حل لپاره د رابطو او ملاقاتونو سلسله جاري ساتلو باندې اتفاق هم شويدې ۔
اسحاق ډار به افغان وزيراعظم ملاحسن اخوند او نائب وزيراعظم عبدالغني برادر سره هم ملاقات کوي ۔
خارجه وزير اسحاق ډار وئيلي دي چې د هغه د کابل دورې مقصد دواړو ملکونو ترمينځ پيدا شوي بے اعتمادي ختمول دي ۔
کابل ته تګ نه مخکښې خپل يو بيان کښې خارجه وزير وئيلي دي چې افغانستان مو ګاونډي هيواد دے دواړو ملکونو ترمينځ د ورورلۍ تعلقات دي بائد د ټولو مسائلو حل لپاره مشترکه کوششونه اوکړو ۔
