دفاع وزير خواجه آصف واضحه کړې که چرې افغانستان سره مذاکراتو د لارې مسئله نۀ حل کيږې نو بيا به کولاؤ جنګ کوؤ، څلويښت کاله مو د افغانانو ميلمستيا کړې، دوحه کښې مو چې چا سره خبرې کولې ، هغوي پاکستان کښې لوئې شويدي، خواجه آصف مطابق نۀ پوهيږو چې افغانستان ولې پاکستان سره داسې روئيه خپله کړېده ۔
سيالکوټ کښې ميډيا سره خبرو پر مهال دفاع وزير خواجه آصف اووئيل چې ترهه ګرۍ خلاف جنګ کښې د پاک فوج او پولسي ځوانان قربانۍ ورکوي ، مونږ نن بے غمه ځکه اودۀ کيږو چې زمونږ ځوانان د ملک حفاظت کوي ۔
خواجه آصف اووئيل چې پاکستان د افغانانو څلويښت کاله ميلمستيا کړې ، د پاک افغان مذاکراتو اولني دور کېښ چې مونږ دوحه کښې چا سره خبرې کولې، دغه ټول کسان پاکستان کښې لوئې شويدي ۔
دفاع وزير مخکښې اووئيل چې د دې هر څه باوجود افغانستان د پاکستان خلاف د بهارتي پراکسي وار برخه جوړيږي ۔
خواجه آصف دا هم اووئيل چې تير څو ورځو راهسې هيڅ بده پيښه مخې ته نۀ ده راغلې، زمونږ صرف يوه ايجنډا ده چې د ګاونډيانو پشان اوسيږو ۔
