هنګو کښې د پوليس په ګاډې چاودنه شوې،چاودنه کښې ايس پي آپريشن اسد زبيرپشمول درې پوليس اهلکاران شهيدان شويدي، آئي جي ذوالفقار حميد وئيلي چې چاودنې سره د پوليس ګاډې الټا شوې وو، پوليس چاروانو مطابق پوليس چيک پوسټ باندې بمي چاودنې جاج لپاره ايس پي آپريشنز روان وو چې ګاډې ئې د نصب شوي بارودي موادو ښکار شويدې ۔
په ضلع هنګو کښې ترهه ګرو پوليس په نښه کړي، دوه پرله پسې چاودنې ئې کړي چې پکښې د ايس پي آپريشنز اسد زبير او دوه نور پوليس اهلکار شهيدان شويدي ۔
د چاودنو نه پس په سيمه کښې سخت ويره خوره شوې او پوليس د پېښې وروستو سيمه سرچ آپریشن پیل کړې، د پوليس وینا ترمخه لومړۍ چاودنه د بليامينه تانړې په حدودو کښې د غلمينه چيک پوست ته نيزدې شوې وه، چرته چې نامعلوم کسانو بارودي مواد ایښودي وو ۔
پوليس ترمخه چاودنې سره د چيک پوسټ ودانۍ ته ځیان رسیدلې دې، کله چې پوليس د پېښې ځائې ته روان شو نو دوئمه چاودنه د دربند په سيمه کښې هاغه وخت اوشوه، کله چې د ایس پي اسد زبير موټر تېريدو ۔
پوليس وئيلي چې د سړک غاړې ته نصب شوي بارودي مواد ډزيدو چاودنې سره ایس پي اسد زبير او دوه پوليس اهلکار شهيدان شويدي ۔
د وفاقي داخلې وزير محسن نقوي پېښه په سختو ټکو غندلې او د ایس پي اسد زبير په ګډون ټولو شهيدانو ته يې د عقيدت پېرزونه وړاندې کړې۔ ده ويلي چی د شهيدانو قربانۍ به هيڅ کله ضايع نه شي، ټول قوم د دوي په زړورتيا وياړي کوي
پوليس ګاډي باندې حملې نه پس پوليس د بليا مينه په غرونو کښې کښې ترهه ګرو خلاف آپريشن شروع کړېدې، آپريشن دوران پوليس او ترهه ګرو ترمينځ د ډزو تبادله شوې ۔
پوليس دعویٰ کړې چې دوه ترهه ګر وژلي شوي، او پوليس د ايس پي آپريشن اسد زبير او نور اهلکارانو د وژنې بدله اخستې ده، پوليس چارواکو وئيلي چې آپريشن کښې يو شمير ترهه ګر ژوبل حالت کښې تښتيدلي دي ۔
