بلوچستان نيشنل پارټۍ مينګل ډلې مستونګ کښې شل ورځو راهسې جاري دهرنا ختم کړېده، سربراه بي اين پي سردار اختر مينګل د دهرنې ختمولو اعلان کړې او وئيلي دي چې مونږ پرامن هلو ځلو باندې يقين ساتو،زمونږ تحريک به جاري وي ۔
مستونګ کښې خبري غونډې ته وينا کښې د بلوچستان نيشنل پارټۍ سربراه سردار اختر مينګل وئيلي دي چې مونږ د دهرنې ختمولو اعلان کړې، ولې تحريک به به جاري وي، او دې لړ کښې به اوس عوامي رابطه مهم شروع کوؤ۔
هغه اووئيل چې د ےتحريک دريمې مرحله کښې به نصير آباد، جعفرآباد،ډيره مراد جمالي او د بلوچستان نورو علاقو کښې جلسې کوؤ ۔
سردار اختر مينګل زياته کړې چې ماه رنګ بلوچ په غيرقانوني توګه نيولې شوې، حکومت زمونږ پرامن لانګ مارچ کښې خنډان اودرولې دي ۔
د بي اين پي سربراه مخکښې وئيلي چې نور هر چا ته د احتجاج حق دې او مونږ دې نه محرومه يو، کشمير په معامله د احتجاج حق شته ،ولې بلوچستان په مسئلو دا حق نه ورکولې کيږي ۔
بلخوا د سينيټ پخواني چيئرمين صادق سنجراني د پي اين پي دهرنا پرامن طريقې سره ختمولو فيصله ستائلې او د سردار اختر مينګل شکريه ئې هم ادا کړېده ۔
