ټانک کښې سيکيورټى فورسز په وخت کاروائۍ دوران په سيکيورټي چيک پوسټ د ترهه ګرو حمله ناکامه کړې ،آئي ايس پي آر وئيلي چې ډزو تبادله کښې دولس ترهه ګر وژلې شوي او چاودنه کښې پنځلس سيکيورټي اهلکاران شهيدان شوي دي ۔
د پاک فوج اطلاعاتو شعبې له لوري جاري بيان کښې وئيلي شوي چې ټانک کښې په پوليس او نور اهلکارانو مشترکه چيک پوسټ باندې ترهه ګرو حمله کړې ده ۔
آئي ايس پي آر وئيلي دي چې په درې ويشتمه او څليريشتمه جولائۍ د شپې په تيارۀ کښې د هند حمايت يافته ترهه ګرو د چيک پوسټ سيکيورټى ماتولو کوشش کړې وو ۔
آئي ايس پي آر مطابق سيکيورټى فورسز په وخت کاروائۍ لوجې ترهه ګر خپله منصوبه کښې ناکامه شوي او تښتيدونکي دولس ترهه ګر جوابي کاروائۍ دوران وژلې شويدي ۔
آئى ايس پى آر مطابق د سخت دباو ښکار حمله کونکو ترهه ګرو د بارودو نه ډک ګاډې د چيک پوسټ بهرني ديوال سره جنګولې، او چاودنې لوجې چيک پوسټ ته سخت نقصان رسيدلې او پنځلس بهادر ځوانان شهيدان شويدي ۔
آئى ايس پى آر مخکښې وئيلي دي چې شهيدانو کښې دولس فوجي ځوانان ،دوه پوليس اهلکاران او د محکمه ځنګلاتو يو افسر شهيدانو کښې شامل دي ۔
آئى ايس پى آر دا هم وئيلي چې د ترهه ګرو خاتمې لپاره سيمه کښې کلئيرنس آپريشن روان دې او د ترهه ګرو خاتمې پورې به کاروائيانې جاري ساتلې شي ۔
د پاک فوج تعلقاتو عامه شعبې وينا ده چې بهرني سرپرستۍ کښې کيدونکي ترهه ګرۍ خاتمه به يقينى کولې شي او زمونږ شهداؤ قربانۍ وطن دفاع او د قامي سلامتيا تحفظ عزم نور هم مضبوطوي ۔
