د قاميا سمبلۍ ټول سياسي ګوندونه د بهارت جارحيت او دهړکو خلاف يو آواز شويدي، دوي وئيلي چې بهارت دهړکې ورکوي او پاکستان د استقامت څخه کار اخلي، کۀ جنګ مسلط کړې شو نو بهارت ته به داسي جواب ورکوؤ چې نسلونه به ئې ياد ساتي ۔
د چيئرمين پيپلزپارټي بلاول بهټو زرداري قامي اسمبلې اجلاس ته وينا کښې اووئيل چې پهلګام پيښې وروستو بغير د څۀ تحقيقاتو بهارت پاکستان باندې الزامات شروع کړل او د يو غيرذمه دار رياست مظاهره ئې اوکړه ،سندھ طاس معاهده معطل کوؤل د انسانيت خلاف لوئې جرم دې، پاکستان پخپله د بدترين ترهه ګرې ښکار دې، بهارت په کشمير کښې رياستي دهشتګردي کوي ۔
بلاول بهټو زرداري اووئيل چې بهارت څۀ قسمه شواهد مخې ته نۀ دي راوړي، پهلګام حمله کښې د پاکستان هيڅ رول نيشته، پاکستان پخپله هم د بدترين ترهه ګرې ښکار دې ۔
بلاول اووئيل چې پهلګام حملې وروستو بهارت بغير د څۀ تحقيقاتو پاکستان باندې الزامات اولګول، سرحدونه ئې اوتړل او د جنګ دهړکې ئې شروع کړي، پاکستان د خپل قام په مرسته د بهارت هرقسمه جارحيت جواب ورکوؤلو ته تيار دې ۔
بلاول اووئيل چې بهارت په کشمير کښې رياستي دهشتګردي کوي او روزانه په بنياد د بشري حقونو پامالي کوي، لهذا بهارت دې مونږ له د بشري حقونو ډکټيشن نه راکوي ۔
قومي اسمبلي اجلاس ته وفاقي وزير اطلاعات و نشريات عطا تارړ خپل خطاب کښي اووئيل چې هميشه پاکستاني قوم د دښمن منصوبے ناکامه کړي او يو ځل بيا بهارت پهلګام ډرامه او پاکستان تقسيم کولو منصوبه کښې ناکامه شويدې ۔
وفاقي وزير اووئيل چې دښمن لپاره او ملک سالميت لپاره مونږ ټول سياسي اختلافات ختم کړي،او يو ځائې وو او نن بيا داسې موقع ده چې ټول قوم يو ځل بيا دښمن ته ښکاره کړې چې پاکستاني قام او سياسي جماعتونه دښمن لپاره څنګه يو بل سره ولاړ دي ۔
عطا تارړ اووئيل چې سياسي اختلافات د دفاعي معاملات او خارجه پاليسۍ سره تعلق نيشته، پهلګام فالس فليګ باندې مودي مکروه مخ ټولې دنيا ته ښکاره شويدې ۔
د هغۀ وينا وه چې پهلګام په بهانه مقبوضه کشمير کښې ظلم او ستم شروع کړې او بے ګناه کشميريان شهيدان کوي، پاکستان سفارتي سطح باندې بهارت ته ماتې ورکړيدې ۔
عطا تارړ اووئيل چې انټرنيشنل ميډيا هم رپورټ کوي چې بهارت سره پهلګام واقعې په اړه پاکستان خلاف ثبوتونه نيشته، او پاکستان ورته آزاد شفاف تحقيقاتو آفر هم کړې ولې اوسه پورې ئې جواب نۀ دې راکړې ۔
د هغۀ وينا وه چې پاکستان دهشت ګردۍ خلاف فرنټ لائن سټيټ دې او دهشت ګردۍ ښکار هم مونږه شوي يو او الزام هم په مونږه لږي، دغه د بهارت لپاره ډير د شرم مقام دې ۔
اوزير اطلاعات زياته کړې چې مونږ سره ثبوت موجود دي چې بهارت دهشت ګرد ملک دې، بهارت نيول کمانډر کلبهوشن ياديو ژوندے ثبوت دې، او پاکستان کښې کاروائيانو کښې ملوث دې، جعفر ايکسپريس واقعه، بي ايل اے تنظيم هم داسې نور دهشت ګرد تنظيمونو سره بهرپور تعاون کوي ۔
