د بنو ډوميل سيمه کښې مقامي امن کميټۍ او شرخوښو ترمينځ د ډزو تبادله شوې ، چې پکښې يو پوليس اهلکار شهيد شوې دې دپوليس فوري جوابي کاروائۍ کښې ترهه ګر تيښته باندې مجبوره شويدي ۔
بنو: د مقامي ذرايعو ترمخه د بنو ډوميل مټکي بیزن خيل سيمه کښې ترهه ګرو په مين روډ ناکه بندي کړې وه، په کوم چې شرخوښو او بيزن خيل امن کميټۍ تر مينځ ډزې شويدي ۔
ډزو تبادله کښې د امن کميټي غړي او پوليس اهلکار صدام خان شهيد شوې، په پيښه د پوليس لويا نفري سيمې ته ورغلې او د امن کميټۍ سره ئې يو ځائې د شرخوښ خلاف کاروائي کړې ۔
کاروائۍ دوران شرخوښو ته د مړګ ژوبلې اوړيدو انديښنه هم څرګنده شوې ، خو تير دې دمه شميره مخې ته نۀ ده راغلې ۔
د پيښې وروستو شرخوښي تښتېدلي، پوليس او مقامي امن کميټۍ رضا کارانو سيمه ولقه کښې اخستې او سرچ آپریشن ئې شروع کړيدې ۔
ياده دې وي چې دوه ورځې وړاندې هم په دې سيمه کښې ترهه ګرو ناکه بندي کړې وه، د سورلو ګاډو نه څلور سرکاري ملازمين کوز کړي او د ځان سره ئې بوتلي وو ، چي وروستو ئې درې تنان خوشي کړي شوي او محمد عارف نومې تن اوس هم د ترهه ګرو سره دې ۔
