کرمې ته تر ټولو لوئې د خوراکي څيزونو سل ټرکونو باندې مشتمل قافله حفاظت سره خپل منزل کرمې ته رسيدلې ده ، په دې موقع د امنيت کلک ګامونه پورته کړې شويدي ۔
د هنګو انتظاميې وئيلي دي چې اولني فرصت کښې شپيته ګاډو باندې مشتمل قافله روانه شوې وه او بيا وروستو د نور څلوښت ګاډو قافه کرمې ته تلې وه، دغه دواړه قافلې په خيريت سره رسيدلې دي ۔
انتظاميې ترمخه د قافلې حفاظت لپاره د سيکيورټي کوټلي ګامنوه پورته کړې شويدي ۔
دغه قافله کښې لوئې واړۀ ګاډې شامل وو چې پکښې اوړه، غوړي، چيني، سبزيانې ،تازه ميوه او نور خوراکي سامان شامل وو ۔
دې نه وړاندې ريجنل پوليس آفسر او عباس مجيد مروت د پاک فوج افسرانو او د کوهاټ ډويژم کمشر معتصم بالله شاه د متاثره سيمو بګن،اوچت کلي او مندوري دوره کړې او دغه سيمو کښې شوي نقصاناتو جائزه ئې اخستې ده ۔
دوي اووئيل چې بګن، اوچت کلي او مندوري پشمول خواؤشاه نورو علاقو کښې د امن و امان بحالۍ لپاره ګامونه پورته کيږي او کرم کښې به امن معاهدې باندې هم عمل درآمد يقيني کولې شي ۔
