خېبرپښتونخوا اسمبلۍ د وزير اعلیٰ سهيل آفريدي سره رويې په معامله د پنجاب حکومت خلاف قرارداد منظورکړې، قرارداد وزير قانون آفتاب عالم وړاندې کړې وو ۔
پيښور: د خېبرپښتونخوا اسمبلۍ اجلاس د سپيکر بابرسليم سواتي مشرۍ کښې شوې چې پکښې وزير قانون آفتاب عالم خان لخوا لاهور کښې د د وزير اعلیٰ سهيل آفريدي مبينه ګرفتارۍ په معامله مذمتي قرارداد وړاندې کړې وو ۔
قرارداد کښې سهيل آفريدي سره لاهور کښې مبينه بدسلوکۍ مذمت شوې، منتخب وزير اعلیٰ بغير د قانوني جواز نه اودرول د آئين خلاف ورزي ده ۔
قرار داد مطابق سياسي اختلاف باندې د بلې صوبې وزير اعلیٰ سره غير قانوني سلوک ناقابل قبول دې،قرارداد کښې د پنجاب حکومت نه وضاحت طلب شوې، او د انکوائرۍ مطالبه هم شوې ۔
قرارداد کښې د وفاقي حکومت نه د واقعي غېر جانبدارانه تحقیقات کولو او ذمه وارانو ته سخته سزا ورکولو غوښتنه شوې ده ۔
په قرارداد کښې د وزېر اعلی سهېل آفریدي سپکاوې د آئین خلاف ورزې او د صوبې د اولس سپکاوی ګرځولې شوې دې ۔
دې نه وړاندې خېبر پښتونخوا اسمبلۍ سپيکر بابر سليم سواتي مشرۍ کښې د پي ټي آئي پارليماني پارټۍ غونډه شوې، لاهور کښې وزير اعلیٰ سهيل آفريدي سره رامخې ته شوې پيښې په صورتحال مشاورت شوې ۔
پارټۍ مشرانو اسد قيصر او سپيکر بابر سليم سواتي وزير اعلیٰ سهيل آفريدي سره د پنجاب پوليس د رويې او سلوک مذمت کړې او دا قسمه واقعات ئې جمهوريت لپاره نقصاني ګرځولي دي ۔
