د بلوچستان په واشک ضلع کښې نامعلومه کسانو په ډزو پنځه مزدوران وژلي دي، ډپټي کمشنر عبدالمجيد وئيلي دي چې پحق رسيدلي مزدورانو تعلق د پنجاب مختلفو علاقو سره دې،پوليس مطابق د ملزمانو نيولو لپاره ناکه بندي شروع کړې شوې، بلخوا د صوبائي حکومت ترجمان شاهد رند وائي چې د پيښې تحقيقاتو حکم ورکړې شوې، ملزمان به قانون نه بچ پاتې نۀ شي ۔
د واشک ډپټي کمشنر عبدالمجيد سرپاره مطابق ضلع واشک تحصيل ماشکيل کښې يوه افسوسناکه پيښه مخې ته راغلې ده، چرته چې نامعلومه کسانو په يو دکان ډزې کړېدي ۔
ډپټي کمشنر وائي چې ډزو په نتيجه کښې د پنجاب سره تعلق لرونکي پنځۀ مزدوران پحق رسېدلي دي، پحق رسيدلي مزدورانو تعلق د پنجاب مختلفو علاقو سره دې ۔
پوليس مطابق د پيښې تحقيقات شروع کړې شوي، ولې د ملزمانو ګرفتارۍ لپاره ناکه بندي شروع کړې شوېده او ځائې په ځائې چهاپې وهلې کيږي ۔
بلخوا د صوبائي حکومت ترجمان شاهد رند وئيلي چې پنځه کسان وژل کيدل د غندنې وړ خبره ده، پيښې تحقيقاتو حکم ورکړې شوې، د خلقو وژنه کښې ککړ عناصر به قانون ګرفت نه بچ نۀ شي، حکومت متاثره خاندانونو په غم کښې برابر شريک دې ۔
