خېبرپښتونخوا کښې د پبلک سروس کميشن په حواله د ګورنر اختيارات ختم شوي او وزيراعلیٰ ته منتقل شويدي،دې لړ کښې صوبائي اسمبلۍ د پبلک سروس کميشن ترميمي بل دوه زره شپږ ويشتم منظوري ورکړېده،بل ترمخه ګورنر نه ټول اختيار اخستې شوي ، د پبلک سروس کميشن چيئرمين او د دې د اراکينو تقرري به اوس ګورنر په ځائې د وزيراعلیٰ په مشاورت کولې کيږي ۔
پيښور: د خېبر پښتونخوا اسمبلۍ اجلاس کښې ډرون حملو، بس پيښې پشمول نورو حادثو دوران پحق رسيدلي کسانو لپاره فاتحه خواني شويده ۔
د خېبرپښتونخوا اسمبلې نه پاس شوې بل ترمخه د خېبرپښتونخوا پبلک سروس کمیشن ترمیمی بل کښې چې کوم ځائې لفظ ګورنر لیکلې شوې اوس به د ګورنر په ځائې لفظ وزېر اعلی لیکلې کیږي ۔
د ترمیمی بل ترمخه د پبلک سروس کمیشن چیرمېن او ممبرانو تقرري به اول د ګورنر خېبر پښتونخوا مشاورت سره کېده او اوس به د ګورنر په ځائې وزېر اعلی په مشاورت سره کېږي ۔
ترمیمی بل کښې د پبلک سروس کمیشن متعلق ټول اختیارات د ګورنر نه وزیر اعلی ته ورکړې شوي ، د پبلک سروس کمیشن په حقله د ګورنر نه ټول اختیارات وزېر اعلی ته منتقل کړې شوي دي ۔
دغه ترميمي بل نه پس ګورنر بے اختیاره کړې شوې، پبلک سروس کمیشن چیرمېن به د کمیشن رپورټ ګورنر په ځائې اوس وزېر اعلی ته وړاندې کوې ۔
بلخوا خېبرپښتونخوا اسمبلۍ کښې د لوکل ګورنمنټ ترميمي بل او کيلاش ميرج ترميمي بل هم منظوري ورکړي شوې، ايوان کښې يو شمير قراردادونه هم منظور کړي شويدي ۔
اجلاس کښې د بجلۍ ناروا لوډشيډنګ په حواله اسمبلۍ غړو وئيلي چې خېبر پښتونخوا د زياتې بجلۍ پيداوار باوجود دې نه محرومه ده،لوډشيډنګ په معامله اراکينو د پيسکو چيف ايګزيکټيو طلب کولو مطالبه هم کړې ۔
د اسمبلۍ اجلاس کښې د ملاکنډ ډويژن او ضم اضلاع کښې د ټيکس نفاذفيصله واپس کولو او وادي تيراه متاثرينو بحالۍ غوښتنه هم شويده ۔
