آرمي چيف جنرل عاصم منير وئيلي دي چې څوک هم د پاکستان د ترقۍ په لار کښې اودرېږي، هغه ټول خنډان به په شريکه لرې کولې شي، د ترهه ګرو لس نسلونه هم بلوچستان او پاکستان ته هيڅ نقصان نشي ورکولې، بلوچستان د پاکستان تقدير دې ،آرمي چيف دا هم وئيلي چې کوم خلق د برين ډرين بيانيه جوړوي، هغوي دې ځان پوهه کړي چې دا برين ګين دې، او د دې ښکاره مثال اوورسيز پاکستانيان دي ۔
اسلام آباد کښې اولنې اوورسييز پاکستانيز کنونشن ته خپله وينا کښې د پاک فوج سرلښکر جنرل عاصم منير اووئيل چې بهر ملکونو کښې ميشتۀ پاکستانيانو جذباتو څخه ډير متاثره شوې يم، يقين دهاني کوم چې دوي لپاره زمونږ جذبات د دوي نه هم زيات مضبوط دي ۔
آرمي چيف اووئيل چې اوورسيز پاکستانيان صرف د پاکستان سفيران نۀ دي، بلکه هاغه رڼا ده کومه چې بهر ملکونو باندې پريوځي ۔
هغه مخکښې اووئيل چې د پاکستان د دښمنانو خيال دې چې ګنې دا يو موټې ترهه ګر د پاکستان د تقدير فيصله کولې شي، د ترهه ګرو لس نسلونه هم پاکستان ته زيان نشي رسولې ۔
آرمي چيف اووئيل چې ترڅو د دې ملک غيور اولس پاک فوج سره ولاړ وي، فوج به د هر مشکل رابهر کيږي، د شهيدانو لازوال قربانۍ به تل ياد ساتلې شي ۔
د جنرل عاصم منير وينا وه چې مونږ چرې هم مشکلاتو او سختو ته سترګې نۀ ده ښکته کړې، په شريکه به پاکستان هاغه مقام ته رسوؤ، د کوم خوب چې قائداعظم ليدلې وو ۔
آرمي چيف زياته کړې چې د پاکستان د ترقۍ سفر به جاري وي، سوال دا نۀ دې چې پاکستان به څومره ترقي کوي، بلکه سوال دا دې چې پاکستان به څومره تيزۍ سره ترقي کوي ۔
هغه دا هم اووئيل چې کشمير د پاکستان شہ رګ وو، دې او وي به، او دا چې مونږ د غزه مسلمانانو سره کلک ولاړ يو ۔
