د وويمن کرکټ ورلډ کپ اهم ميچ کښې بهارت په اتۀ اتيا رنز پاکستاني ټيم ته شکست ورکړېدې، د بهارت دوه سوه اتۀ څلويښت رنز په جواب کښې د پاکستان ټول ټيم دري څلويښت اوور کښې په يو سل نهه پنحوس رنز آؤت شوې او ميچ ئې بيللې دې ۔
د سري لنکا په کولمبو سټيډيم کښې لوبيدلې د وويمن ورلډ کپ شپږم ميچ کښې پاکستان ټاس ګټلې وو او بهارت ته ئې د بيټنګ دعوت ورکړې وو ۔
د بهارت ټول ټيم مقرره اوورونو کښې په دوه سوه، اووۀ څلويښت رنز آؤټ شوې دې، بهارت طرف نه ټول نه زيات هرلين ديول شپږ څلويښت او رچا ګهوش جارحانه پنځه ديرش رنز جوړ کړېدي ۔
پاکستان طرف نه ډيانا بيګ شاندار باولنګ کړې او څلور وکټې ئې په خپل نوم کړېدي، سدره اقبال او فاطمه ثنا دوه ، دوه ، رمين شميم او نشرا سندهو يو، يو وکټ په خپل نوم کړې ده ۔
د مقرره هدف په تعاقب کښې د پاکستان ټول ټيم دري څلويښت اوورز کښې يو سل نهه پنځوس رنز باندې آؤټ شوې او ميچ ئې په اتۀ اتيا رنز بيللې دې ۔
پاکستان طرف نه ټولو نه زيات سدره امين يو اتيا او نتاليه پرويز دري ديرش رنز جوړ کړي وو ، بهارت طرف نه کرانتي ګود او ديپتي شرما درې ، درې وکټې په خپل نوم کړې وې ۔
پاکستان روان ميګا اويونټ کښې مسلسل دوئم ميچ هم بيللې دې، اولنې ميچ ترې بنګله ديش ټيم ګټلې وو ۔
