د سعودي عرب نه راغلې يو اهم وفد د سعوي په مرسته جاري منصوبو په ملاکنډ کښې کښې جائزه اخستې ده ۔
ملاکنډ ډويژن کښې د يو ارب او ديرش کروړه روپو سره يو شمير منصوبو باندې کار شروع دې چې په هغو کښې ايګريکلچر ريسرچ انسټي ټيوټ، ويټرنري ريسرچ سنټر، د مريضانو لپاره کيټګري ډي هسپتال، بټ خيله کښې د تهيليسميا سنټر او سوات کښې سپيشل چلډرن سکول شامل دي ۔
دې نه علاوه د چکدرې نه فتح پوره پورې په دوه اتيا کلوميټره روډ هم د درې اتيا اعشاريه څلور اربه روپو لګولو سر ته رسيدلے دې ۔
په دې موقع د سعودي عرب وفد اووئيل چې د دې منصوبو تکميل سره به ملاکنډ ډويژن کښې د ترقۍ يو نوے دور شروع شي او د خلقو په ژوند کښې به بهتري راشي ۔
