د خزانې وفاقي وزير محمد اورنګزيب وئيلي دي چې چيلنجز باوجود د ملکي معيشت کارکردګي غوره پاتې شوې، روان مالي کال اولنې مياشت کښې د پشکال بارانونو، ايران امريکې جنګ او بيا امريکائي صدر لخوا د ټيرف نفاذ لوجې غير يقيني صورتحال پيدا شوې وو، د روان مالي کال اقتصادي سروے پيش کولو پر مهال وفاقي وزير وئيلي دي چې د في کس سالانه آمدن کښې يو سل پنځوس ډالر اضافه شوې، پټروليم، سيمنټ او فرټيلائزر سيکټرز کښې ګروتھ شويدې ۔
اسلام آباد کښې د اکنامک سروے اهم نکات پيش کولو پر مهال وزير خزانه محمد اورنګزيب وئيلي دي چې ملک ته يو شمير چيلنجز رامخې ته وو ، بيا هم وفاقي حکومت معاشي صورتحال غوره ساتلو کښې کامياب شويدې ۔
وزير خزانه اووئيل چې روان مالي کال کښې مختلف چيلنجز لوجې معاشي اهداف نۀ دي ترلاسه شوې ، ولې ملکي معيشت بهترۍ لپاره اقدامات پورته کړې شوي، چې لوجې ئې معيشت ډير نۀ دې متاثره شوې ۔
وفاقي وزير اووئيل چې روان مالي کال دوران جي ډې پي شرح درې اعشاريه اووۀ فيصد پاتې شوې، کومه چې تير څلور کالو دوران ټولو نه زياته ده ، د مينو فيکچرنګ دوه ويشت شعبو کښې په شپاړس کښې اضافه ليدلې شوې ، او دغه ګروتھ ريټ هم تير څلور کالو دوران ټولو نه زيات دې ۔
محمد اورنګزيب اووئيل چې روان مالي کال دوران في کس آمدن د اوولس سوه يو پنځوس ډالر نه نورلس سره يو ډالرز ته رسيدلې ، او ملکي معيشت څلور سوه، دوه پنځوس ارب ، لس کروړ ډالر شويدې ۔
هغه زياته کړې چې روان مالي کال دوران مالي خساره کښې هم کمې شوې ،جولائۍ نه مارچ پورې پرائمري سرپلس جي ډي پي درې اعشاريه دوه فيصد ريکارډ شوې، د ملک مجموعي قرضه د جي ډي پي مقابله کښې کمه شوې او اتۀ شپيتۀ اعشاريه پنځه فيصد ته راغلې ده ۔
وزير خزانه اووئيل چې د ملک کرنټ اکاؤنټ خساره کښې کښې هم لوئې کمې شوې، او دا خساره صرف دوه سوه، دوه پنځوس ملين ډالر پاتې شويده ۔
د وفاقي وزير وينا وه چې ملک کښې د زر مبادله ذخائر اوولس ارب، لس کروړ ډالر دي، د روانې مياشتې آخره پورې به دغه ذخائر اتلس ارب ډالر ته اورسي ۔
هغه زياته کړه چې پټروليم سيکټر کښې پنځه فيصد ګروتھ شوې، زرعي شعبه کښې شرح نمو دوه اعشاريه، اتۀ نهه پاتې شوې، د لائيو سټاک زرعي معيشت کښې برخه شپيتۀ فيصد ده ۔
وزير خزانه دعوي کړې چې ملک کښې د خواندګۍ شرح دري شپيتۀ فيصد ته رسيدلې، د غريب خاندانونو مالي رستو لپاره د بي آئي ايس پي بجټ اووۀ سوه، دوه ويشت ارب نه سيوا کړې شويدې ، ملک کښې د رجسټرډ کمپنو شميره درې لکه ته رسيدلې ، صرف روان کال کښې نهه ديرش زره نوې کمپنيانې رجسټرډ شويدي ۔
وفاقي وزير مخکښې اووئيل چې د روان مالي کال اولنې مياشت کښې د پشکال بارانونو، ايران امريکې جنګ او بيا امريکائي صدر لخوا د ټيرف نفاذ لوجې غير يقيني صورتحال پيدا شوې وو، کۀ چرې مشرق وسطیٰ صورتحال نۀ وو پيدا شوې نو جي ډي پي ګروتهه به څلور فيصد نه هم سيوا شوې وو ۔
محمد اورنګزيب اووئيل چې روان مالي کال دوران سپورټس برآمدات درې ارب ډالر نه سيوا شوي، فيفا ورلډ کپ کښې به د پاکستان جوړ فټبال استعماليږي، دغه شان آئي ټي برآمدات به هم ډير زر څلور ارب ، پنځوس کروړ ډالر ته اورسي ۔
د وفاقي وزير وينا وه چې پي آئي اے پشمول د بجلۍ تقسيم کار کمپنۍ او نورې سرکاري ادارو نجکارۍ عمل تيز کړې شوې، آئي ايم ايف پروګرام صرف د وفاقي حکومت نۀ دې، بلکه د ټول ملک مفاد کښې دې او دا چې خيبر پښتونخوا حکومت هم قامي معاشي اهداف ترلاسه کولو کښې د مکمل مرستو باور راکړې دې ۔
