ټي ټوينټي ورلډ کپ اهم ميچونه جاري، د ايونټ يوولسم ميچ کښې نيوزي لينډ په لس وکټو متحده عرب امارات ته شکست ورکړيدې، د يو اے اي يو سل ، څلور اوويا رنز هدف نيوزي لينډ بغير د څه نقصان شپاړسم اوور کښې پورا کړي او په لس وکټو ئې ميچ ګټلې دې، د کيويز ټِم سيفرټ ته شاندار بيټنګ باندې د ميچ بهترين لوبغاړي انعام ورکړې شويدې ،بلخوا دې نه وړاندې لوبيدلې ميچ کښې نيدرلينډز په اووه وکټو نيميبيا ته ماتې ورکړې .
چِنائي کرکټ سټيډيم کښې لوبيدلې د ټي ټوينټي ورلډ کپ يوولسم ميچ کښې يو اے اي اول بيټنګ کړې وو او مقرره اوورز کښې ئې شپږ وکټو په زيان يوسل، درې اوويا رنز جوړ کړي وو .
يو اے اي طرف نه ټولو نه زيات کپتان محمد وسيم شپږ شپيتۀ او علي شان پنځه پنځوس رنز باندې آؤټ شوي وو ،نيوزي لينډ مقرره هدف بغير د څه نقصان شپاړسم اوور کښې آسانۍ سره پورا کړې او په لس وکټو ئې ميچ ګټلې دې ۔
نيوزي لينډ طرف نه دواړو اوپنرانو شاندار بيټنګ کړې، ټِم سيفرټ په نهه اتيا او فِن ايلن په څلور اتيا رنز ناقابل شکست پاتې شويدي، شاندار بيټنګ باندې ټِم سيفرټ د ميچ بهترين لوبغاړې ګرځولې شويدې ۔
بلخوا نوې دلي کښې لوبيدلې د ايونټ لسم ميچ کښې نيدرلينډز په اووه وکټو نيميبيا ته ماتې ورکړې، د نيميبيا د يو سل، اووۀ پنځوس رنز هدف نيدرلينډز اتلس اوورز کښې درې وکټو په زيان پورا کړيدې ۔
شاندار دوه اوويا رنز جوړولو او دوه وکټې اخستو باندې د نيدرلينډز بيس ډي ليډے مين آف دي ميچ ګرځولې شويدې ۔
