د پاکستان سُپر ليګ اهم ميچ کښې پيښور زلمي په په لوئې مارجن کراچي کنګز ته شکست ورکړېدې، د پيښور د دوه سوه ، اووۀ څلويښت رنز هدف تعاقب کښې د کراچۍ ټول ټيم صرف په اووۀ اتيا رنز آؤټ شوې او ميچ ئې بيللې دې، شاندار يو سل، نهه رنز جوړولو باندې د پيښور زلمي کوسال مينډس د ميچ بهترين لوبغاړې ګرځولې شويدې ۔
کراچۍ کښې لوبيدلې د پي ايس ايل يوولسم ايډيشن په اوولسم ميچ کښې کراچي کنګز ټاس ګټلې وو او پخپله ئې اول د فيلډنګ فيصله کړې وه ۔
پيښور زلمي مقرره اوور کښې درې وکټو په زيان دوه سوه، شپږ څلويښت رنز جوړ کړې چې پکښې ټولو نه زيات کوسال مينډس شاندار يو سل نهه رنز باندې آؤټ شويدې ۔
کپتان بابراعظم هم شاندار بېټنګ کړې او په اووۀ اتيا رنز ناټ آؤټ پارتې شوې، ، عبدالصمد جارحانه څلويښت رنز جوړ کړيدي ،کراچي کنګز لخوا آصف آفريدي دوه وکټې په خپل نوم کړېدي ۔
د مقرره هدف په تعاقب کښې د کراچي کنګز ټول ټيم اوولسم اوور کښې صرف په اووۀ اتيا رنز آؤټ شوې او په يو سل، نهه پنځوس رنز ئې ميچ بيللې دې ۔
کراچۍ طرف نه اعظم خان ټولو نه زيات پنځه ويشت، خوشدل شاه لس او معين علي نهه رنز جوړ کړ وو، پيښور زلمي لخوا افتخار احمد، ناهيد رانا ،سفيان مقيم درې، درې او شريف الاسلام يو وکټ په خپل نوم کړېده ۔
