پاکستان اولني ون ډے ميچ کښې سنسني خيز مقابلې نه پس سري لنکا ته په شپږ رنز شکست ورکړې او د درې ميچونو سيريز کښې ئې يو صفر سره برتري ترلاسه کړېده،د پاکستان د درې سوه رنز هدف جواب کښې سري لنکا مقرره اوورز کښې نهه وکټو په زيان دوه سوه ، درې نوي رنز جوړ کړي، او ميچ ئې بيللې دې،پاکسان طرف نه حارث رؤف څلور، نسيم شاه او فهيم اشرف دوه، دوه وکټې اخستي او ميچ ګټه کښې ئې اهم کردار ادا کړېدې ۔
پنډۍ کرکټ ګراؤنډ کښې لوبيدلې اولني ون ډے ميچ کښې سري لنکا ټاس ګټلې وو او پاکستان ته ئې د بيټنګ بلنه ورکړې وه ۔
پاکستان مقرره اوورونو کښې پنځه وکټو په زيان دوه سوه، نهه نوي رنز جوړ کړي، چې پکښې سلمان علي آغا شاندار يو سل ، پنځه رنز باندې ناټ آؤټ پاتې شوې وو ۔
حسين طلعت شاندار دوه شپيته او محمدنواز جارحانه شپږ ديرش رنز جوړ کړي وو ، فخر زمان دوه ديرش، صائم ايوب شپږ، بابراعظم نهه ويشت او محمد رضوان پنځه رنز باندې آؤټ شوي وو ۔
سري لنکا طرف نه هسا رنګا درې وکټې په خپل نوم کړې وې ،فرنينډو او چميرا يو، يو وکټ اخستې وه، سري لنکا مقرره اوورز کښې نهه وکټو په زيان دوه سوه، درې نوي رنز جوړ کړي او په شپږ رنز ئې ميچ بيللې دې ۔
پاکستان طرف نه حارث رؤف څلور، نسيم شاه او فهيم اشرف دوه، دوه او محمد نواز يو وکټ په خپل نوم کړې وه، شاندار سنچري سکور کولو باندې سلمان علي آغا د ميچ بهترين لوبغاړې ګرځولې شويدې ۔
پاکستان د درې ميچونو سيريز کښې يو صفر سره برتري ترلاسه کړېده، دوئم ميچ به په ديارلسم نومبر پنډۍ سټيډيم کښې لوبيږي ۔
