د داخله امورو وزير مملکت طلال چودهري وئيلي دي چې پهلګام حمله د نريندر مودي د فالس فليګ آپريشن واردات دوئمه ډرامه وه کومه چې ناکامه شويده ۔
ميډيا سره خبرو کښې طلال چودهري وئيلي دي چې د دوه قامي نظريے يو يو ټکې نن صحيح ثابت شوېدے،د مودي سياست صرف ترهه ګرۍ ته وده ورکول او مسلمان دښمني ده ولې پاکستاني ميډيا بهارتي پروپګنډا په ښه شان بيک فټ کړيده ۔
طلال چودهري اووئيل چې موجوده صورتحال کښې د پاکستان ميډيا کردار قابل تحسين دے ،پهلګام واقعې نه پس هندوستان د دروغو پروپيګيډي د پاکستان ميډيا شاته کړي او د بهارت سوشل ميډيا باندې د فالس فليګ آپريشن باندي تنقيد هم اوس شروع شويدې ۔
هغه اووئيل چې د مودي پوره سياست د مسلمانانو دشمني او مذهبي انتهاپسندي ده ، او فالس فليګ آپريشن د مودي سرکار وړومبني واردات نه دي بلکه د پهلګام واقعې نه پس مقبوضه کشمير کښې د مسلمانانو کورونه ړنګول هم دوام لري ۔
طلال چودهري اووئيل چي مودي بطور وزير اعلیٰ ګجرات او پورا هندستان کښې مسلمانانو سره ظلمکوي او نن د دو قومي نظريې يو يو لفظ صحيح ثابت شويدې ۔
طلال چودهري زياته کړې چې د پهلګام فالس فليګ آپريشن او په پاکستان باندې اوبۀ بندول يو بهانه ده ، مودي سرکار په پاکستان باندې اوبو بندولو باوجود اوس ئې په دريابونو کښې اوبۀ پريښودې دي ۔
هغه دا هم وئيلي دي چې هندوستان دې په پاکستان حمله کولو غلطي نۀ کوي، کۀ مداسې غلطي ئې اوکړۀ نو پاکستان به بهرپور طاقت سره جواب ورکوي ۔
