پيښور: ګورنر هاؤس پیښور کښې میډیا سره خبرو په وخت فیصل کريم کنډي وئيلي چې د پی ټی آئی دا موقف درست دې چې په ملک کښې د انساني حقوق خلاف ورزي کیږي، د دې ژوندې ثبوت اډیاله جیل کښې باني چیرمین او قیدیانو سره یو شان سلوک نه دې، بانې چیرمین ته د خوراک لپاره کورني غوړې او چرګان ورکړې کیږی نور قیدیان دال خوري ۔
ګورنر خېبرپښتونخوا اووئيل چې باني چیرمین یو کال په جیل کښې نه دې تیر کړې بیا این آر او غواړي، د نورو سیاسي جماعتونو مشرانو په کلونو کلونو جیلونو کښې قید خوړلې ۔
ګورنر زیاته کړه چې ضلع کرم کښې شل کلومیټره سړک محفوظ جوړ نکړې شو نو ټوله صوبه کښې به څه رنګه امن قائم کړې شي، اتلسم آئیني ترمیم نه پس امن وامان قائمول د صوبائي حکومت ذمه واري ده ۔
د ګورنر فيصل کريم کنډي وینا وه چې په صوبه کښې بدترین کرپشن او بیډ ګورننس دې د حکمرانانو ټوله توجه په کرپشن باندې ده ، صوبائي حکومت ناکامه شوې، هغوي د امن لپاره د جمعیت علماء اسلام او جماعت اسلامي د کوششونو ستائنه کړې ۔
هغوې وینا وه چې پي سي بي لاهور کښې سټیډیم په څلور میاشتو کښې دننه جوړ کړې، دلته ارباب نياز سیټډیم په کلونو کښې جوړ نکړې شو ، په صوبه کښې د ادارو خلاف نعره بازي او تقریرونه کولې شي، هیڅوک پرې ایکشن نه اخلي ۔
