کراچۍ کښې لوبيدلې ميچ کښې جنوبي افريقې ټاس ګټلې وو او پخپله ئې اول د بيټنګ فيصله کړې وه،جنوبي افريقې مقرره اوورونو کښې پنحه وکټو په زيان درې سوه دوه پنځوس رنز جوړ کړي وو ۔
جنوبي افريقې طرف نه کلاسن اووه اتيا، ميتهيو دري اتيا او باوومه دوه اتيا رنز جوړ کړي وو، پاکستان طرف نه شاهين شاه آفريدي دوه، نسيم شاه او خوشدل شاه يو، يو وکټ په خپل نوم کړې دي ۔
قامي ټيم مقرره هدف د څلور وکټو په زيان نهه څلويښت اوورز کښې پورا کړې او ميچ ئې ګټلې دې ،پاکستان طرف نه سلمان علي آغا شاندار يو سل څلور ديرش او محمد رضوان يوسل دوه ويشت رنز جوړ کړي وو ۔
فخر زمان يوڅلويښت، بابراعظم دري ويشت او سعود شکيل پنځلس رنز باندې آؤټ شوي وو ، شاندار يوسل څلور ديرش رنز جوړولو باندې سلمان علي آغا ته د ميچ د بهترين لوبغاړي اعزاز ورکړې شوې دې ۔
دې اهم ميچ کښې کاميابۍ نه پس قامي ټيم د سه فريقي سيريز فائنل ته کواليفائي کړې او د جمعې په ورځ به فائنل لوبه کښې نيوزي لينډ سره مقابله کوي ۔
