فيلډ مارشل سيد عاصم منير وئيلي دي چې پاکستان د معدني سرمايه کارو لپاره يو پرکشش او د مقابلې ملک جوړول د ټول قام شريک مقصد دې ، د دې مقصد لپاره به د کان کنې د ټول نظام سيکيورټي او د کانونو او مزدورانو تحفظ يقيني کولے شي،فيلډ مارشل مطابق د معدني وسائلو د پرمختګ ګټې بايد نېغ په نېغه مقامي آبادي ته ورسولې شي، او په هاغه سيمو کښې د اولس د ژوند معيار ښۀ کړې شي چرته چې معدني وسائل موجود دي ۔
اسلام آباد: فيلډ مارشل سيد عاصم منير سرښار کښې پاکستان منرلز انويسټمنټ فورم ته وينا پرمهال وئيلي چې د هېواد معدني وسائلو ته به د مؤثر استعمال د لارې د اوږدمهاله شراکت دارۍ او پائيدار معاشي پرمختګ لارې هوارې کړې شي ۔
هغه اووئيل چې د پاکستان مقصد صرف د خام مواد برآمد کول نه دي، بلکه هېواد دننه د ريفائننګ او مينوفيکچرنګ نظام جوړول دي، د معاشي خودکفالت لپاره د خام مواد پر ځائې ويليو ايډډ پرمختګ ته پام کول هم مهم دي ۔
فيلډ مارشل سيد عاصم منير زياته کړې چې د معدني وسائلو د پرمختګ ګټې بائد نېغ په نېغه مقامي آبادي ته ورسېږي، او په هاغه سيمو کښې د اولس د ژوند معيار ښه شي چرته چې معدني وسائل موجود دي ۔
چيف آف ډيفنس فورسز زياته کړې چې کورنيو او بهرني سرمايه کارو ته د مناسب او محفوظ ماحول ورکولو سره به د معدني شعبې نوې سرمايه کارو ته ماحول برابر شي، چې ورسره به د هېواد معيشت مستحکم او اوږدمهاله پرمختګ ته لاره هم هواره شي ۔
