د امریکې صدر ډونلډ ټرمپ د غزه بورډآف پيس په باقاعده توګه پرانسته کړې، صدر ټرمپ د امن لپاره غزه امن بورډ يو اهم فورم ګرځولې دې ، په دې اړه جوړه شوې غونډه کښې د اووه څلويښت ملکونو مشرانو ګډون کړې،په غونډه کښې د پاکستان وزیراعظم شهبازشریف پشمول د يوشمير اهم ملکونومشرانو موجود وو،ولې د امریکي تاریخي حليف ملکونه فرانس او کينيډا په غونډه کښې برخه نۀ ده اخستې ۔
واشنګټن: د امريکې صدر ډونلډ ټرمپ په باقاعده توګه د غزه بورډ آف پيس په باقاعده توګه پرانسته کړې ده، دستوره کښې د پاکستان ، سعودي عرب، يو اے اي، ترکيه اور نړۍ نور يو شمير ملکونو مشرانو ګډون کړېدې ۔
دستورې ته ابتدائي خطاب کښې د امريکې صدر ډونلډ ټرمپ يو ځل بيا د وزيراعظم شهبازشريف او فيلډ مارشل عاصم منير تعريف کړې او وئيلي دي چې دا دواړه بهترين شخصيات دي، زما ورسره ډير ښۀ تعلق دې، د پاکستان وزيراعظم او فيلډ مارشل غزه کښې امن لپاره اهم کردار ادا کړېدې ۔
ټرمپ يو ځل بيا وئيلي چې پاک بهارت جنګ کښې يوولس جنګي جهازونه تباه شوي ، ټرمپ مطابق اوسه پورې مې نړۍ کښې اتۀ جنګونه اودرولي، او نهم لوئې جنګ به هم ختموم ، او دا چې فيلډ مارشل عاصم منير لوئې فائټر دې ۔
ډونلډ ټرمپ اووئيل چې نړۍ په کچ مې اتۀ اهم جنګونه اودرولي او نهم لوئې جنګ به هم اودروم ،دې جنګونو کښې ډير مشکل جنګونه هم شامل دي ۔
ډونلډ ټرمپ اووئيل چې مونږ چې څه هم کوؤ، هغه د نړۍ امن لپاره دي ، ځکه خو دې ته غزه بورډ آف پيس نوم ورکړې شويدې ،ا و دا چې ما خپل دور کښې مشکل اهداف ترلاسه کړېدي ۔
د هغۀ وينا وه چې د پاکستان وزيراعظم هم دې غونډۀ کښې شريک دې، څوک چې زما د خوښې شخصيت دې ،فيلډ مارشل عاصم منير هم عظيم شخصيت او اعلیٰ سپه سالار دې ۔
ډونلډ ټرمپ يو ځل بيا د وزيراعظم شهبازشريف او فيلډ مارشل عاصم منير تعريفونه کړي او د وزيراعظم او فيلډ مارشل شکريه ئي هم ادا کړېده ۔
هغۀ زياته کړې چې د پاکستان او بهارت جنګ دوران مې وزيراعظم شهبازشريف سره ښۀ تعلق جوړ شوې، او فيلډ مارشل ډير لوئې فائټر دې ، دا دواړه شخصيات زما بهترين دوستان دي ۔
