وزير خزانه محمد اورنګزيب راتلونکي مالي کال لپاره د اتلس زره، اووۀ سوه، يو اوويا ارب روپو نه زيات حجم بجټ قامي اسمبلۍ کښې پيش کړې،د سرکاري ملازمين تنخواه او پنشن کښې اووۀ فيصد او کم نه کم اجرات کښې لس فيصد اضافې اعلان شوې، بجټ کښې د ټولو نه زياته برخه د قرضو او سود ادائيګۍ لپاره مختص شوې، وزير خزانه مطابق ملکي دفاع لپاره درې زره ارب روپۍ مختص کړې شوي،سُپر ټيکس مکمل طور پر ختم کړې شوېدې ۔
اسلام آباد: د سپيکر اياز صادق مشرۍ کښې شوې د قامي اسمبلۍ اجلاس کښې بجټ پيش کولو پر مهال د خزانې وفاقي وزير محمد اورنګزيب اووئيل چې زما دپاره د اعزاز خبره ده چې د خپل حکومت دريم بجټ وړانډې کوم ۔
د وزيراعظم او بلاول مشکور يو: ۔
محمد اورنګزيب اووئيل چې د بجټ په تيارۍ کښې د وزيراعظم او بلاول بهټو مشکور يم ، پاکستان او سعودي عرب ترمينځ سټريټجک معاهده انتهائي اهم ده، پاکستان لخوادښمن ته داسې جواب ميلاؤ شوي کوم چې ټولۍ نړۍ نوټس کړې ۔
في کس آمدن کښې اضافه شوې: ۔
بجټ تقرير کښې وزير خزانه محمد اورنګزيب وئيلي چې ملکي معيشت حجم څلور سوه، دوه پنځوس ارب روپۍ ته رسيدلې، کوم چې يو نوې سنګِ ميل دې، في کس آمدن د اوولس سوه، يو پنځوس ډالر نه نورلس سوه يو ډالر ته رسيدلې ۔
د پښتونخوا ضم اضلاع فنډ کښې اضافه: ۔
هغۀ اووئيل چې د خيبر پښتونخوا ضم اضلاع لپاره پنځه نوي ارب روپۍ مختص کړې شوي، وفاقي وزير مطابق تنخواداطبقې باندې لګولې شوې نهه فيصد سرچارج ختمولو فيصله هم شوې،بي آئي ايس پي مالي امداد د اضافې نه پس دا اتۀ سوه، اتۀ ديرش ارب روپۍ ته رسولې شويدې ۔
د وفاق او صوبو ترقياتي بجټ: ۔
وزير خزانه مطابق وفاقي بجټ کښې قامي ترقياتي پروګرام لپاره درې زره، شپږ سوه، پنځه اوويا ارب روپۍ او د صوبو ترقياتي پروګرام لپاره دوه زره، دوه سوه، څليريشت ارب روپۍ مختص کړې شويدي ۔
صحت او تعليم لپاره فنډ: ۔
وفاقي بجټ کښې صحت لپاره پنځه ويشت ارب، لس کروړ روپۍ او اعلیٰ تعليم لپاره شپږ څلويښت ارب روپۍ مختص کړې شوي، وفاقي بجټ کښې سبسډي لپاره يوزر، يو نوي ارب روپۍ مختص کړې شوي ۔
ملټري او سول پنشن: ۔
وزير کزانه اووئيل چې ملټري پنشن لپاره اتۀ سوه، دوه ويشت ارب او سوِل پنشن لپاره دوه سوه، دوه اوويا ارب روپۍ مختص کړې شويدي ۔
نن نړۍ د پاکستانى دفاعى قوت تعريفونه کوى: ۔
وزير خزانه اووئيل چې نن نړۍ د پاکستانى دفاعى قوت تعريفونه کوى، نوې مالى کال وفاقى بجټ مجموعى حجم اتلس زره اووه سوه يو اوويا روپے تجويز دې ۔
هغه مخکښې اووئيل چې وفاقى نان ټيکس ريونيو په ذريعه پنځه زره درې سوه شپږ ديرش ارب روپې هدف کېښودې شوې ،ايف بى آر ټيکس محصولات مجموعى تخمينه پنځلس زره دوه سوه څلور شپيته روپے تجويز دي ۔
صنعتونو پيداواري صلاحيت زيات شوې: ۔
وزير خزانه اووئيل چې سيلاب او امريکې ايران جنګ باوجود زمونږ شرح نمو درې اعشاريه اووه فيصد ته رسيدلې،زمونږ د لوئې صنعتونو پيداوارى صلاحيت سيوا شوې ۔
د وفاقي وزير وينا وه چې خدمات شعبه کښې څلور اعشاريه يو فيصد شرح نمو مخې ته راغلې ، ريټائرډ ملازمينو پنشن اخراجاتو لپاره يو زره يوسل نهه شپيته اربه روپو تجويز دې ۔
محمد اورنګزيب اووئيل چې سول انتظاميه چلولو لپاره اخراجاتو په مد کښې يو زر يو اوويا ارب روپې مختص کړې شوي، وفاقى محصولات نه صوبو لپاره اته زره اته سوه اته څلويښت اربه روپې مختص کړې شويدي ۔
وزير خزانه اووئيل چې وفاقي محصولات نه صوبو لپاره اته زره اته سوه اته څلويښت اربه روپې مختص دي، وفاقي او صوبائي تقسيم لپاره ديالس زره درې سوه پنځوس ارب روپې رقم محفوظ ساتلو فيصله شويده ۔
هغه اووئيل چې تير دوه کالو کښې پاليسى ريټ کښې تاريخى کمې شوې،او دا شرح دوه ويشت فيصد نه کمولو سره يولس نيم فيصد ته راغلې ۔
ترسيلات زر کښې هم اضافه : ۔
وزير خزانه اووئيل چې ترسيلات زر هم نوې لوړ سطح ته رسيدلې ،مالى کال اولنې يولس مياشتو کښې ترسيلات زر حجم اته ديرش ارب ډالر ته رسيدلې،کراچۍ کښې اوبه منصوبې کے فور لپاره لس اربه روپې مختص کړې شويدي ۔
ډيمونو لپاره هم فنډز مختص: ۔
وزير خزانه اووئيل چې ديامربهاشاډيم لپاره څوارلس اربه ،مهمنډ ډيم لپاره دوويشت اربه روپې او داسو هائيډرو پاور لپاره پنځلس ارب روپے مختص کړې شويدي ۔
وفاقي وزير زياته کړې چې افراط زر اوسط سطح اته اعشاريه دوه فيصد متوقع ده ، روان کال اقتصادى ترقۍ شرح څلور فيصد پاتې کيدو امکان دې ، دوفاقى حکومت خالص آمدنى يولس زره اووه سوه يو پنځوس اربه روپې وى ۔
محمد اورنګزيب دا هم اووئيل چې زمونږ مالياتي خساره جون دوه زره دري ويشت کښې د جي ډي پي اووه اعشاريه اته فيصد وه ۔
د هغۀ وينا وه چې مالياتي خساره موجوده مالي کال اختتام پورې څلور فيصد پوري به راشي، روان کال دوران ګرنۍ اوسط شرح اووه فيصد پاتي کيدوامکان دې ۔
محمد اورنګزيب مطابق اليکټرک موټرسائيکلز،ګاډو او رکشو باندې رعايتي نظام به راروان کال هم برقراروي، دوه ويشت نه تر دوه ديرش لاکه روپے سالانه آمدنې باندې د ټيکس شرح شل فيصد کولو تجويز دې ۔
