د کراچۍ ګل پلازې پيښه کښې د مړو کسانو شميره شپږ ويشت ته رسيدلې،درې اتيا کسان لاهم بے درکه دي او د ودانۍ ملبه لرې کولو لپاره ريسکيو کاروائيانې جاري دي، بلخوا د سول هسپتال انتظاميې د بے درکه کسانو خپل خپلوانو ته د ډي اين اے سيمپلز جمع کولو هدايت کړېدې ۔
کراچۍ کښې درې ورځې وړاندې ګل پلازه کښې د اوور لګيدو پيښه کښې د مړو کسانو شميره شپږ ويشت ته رسيدلې او درې اتيا کسان اوس هم بے درکه دي ۔
ريسکيو اهلکاران د متاثره پلازې ودانې مختلفو برخو ته ورغلې او کاروائيانې ئې شروع کړېدي ۔
ډپټي کمشنر ساوتھ دفتر کښې د بے درکه کسانو فهرست هم لګولې شوې ۔
بلخوا پيښه کښې سوزيدلي د اتلس کسانو شناخت شوې او سول هسپتال انتظاميې د بے درکه کسانو خپل خپلوانو ته د ډېټا او ډي اين اے جمع کولو هدايت هم کړېدې ۔
هسپتال انتظاميې وئيلي چې اوسه پورې اتۀ څلويښت خاندانونو ډي اين اے سيپلز جمع کړي او درې ورځو پورې به د کراس ميچنګ سلسله جاري وي ۔
