د ايشيا کپ ټي ټوينټي ټورنامنټ نهم ميچ کښې بنګله ديش په اتۀ رنز افغانستان ته ماتې ورکړيده، د بنګله ديش يو سل څلور پنځوس رنز جواب کښې د افغانستان ټول ټيم په يو سل شپږ څلويښت رنز آؤټ شوې او ميچ ئې بيللې دې ۔
ابوظيبي کښې لوبيدلې د ايشيا کپ اهم ميچ کښې بنګله ديش ټاس ګټلې وو او اول ئې پخپله د بيټنګ کولو فيصله کړې وه، بنګله ديش مقرره اوورونو کښې پنځه وکټو په زيان يو سل څلور پنځوس رنز جوړ کړي وو ۔
بنګله ديش طرف نه ټول نه زيات تنزيد حسن دوه پنځوس ،سيف حسن ديرش او توحيد هروډي شپږ ويشت رنز جوړولو نه پس آؤت شوې وو ۔
افغانستان لخوا راشد خان او نور احمد دوه، دوه او عظمت الله عمرزئي يو وکټ په خپل نوم کړې وې ۔
د بنګله ديش لخوا ورکړې شوې مقرره هدف په تعاقب کښې د افغانستان ټول ټيم د اننګز په آخري بال يو سل شپږ څلويښت رنز باندې آؤټ شوې او په اتۀ رنز ئې ميچ بيللې دې ۔
افغانستان طرف نه رحمان الله ګُرباز ټولو نه زيات پنځه ديرش رنز جوړ کړي وو، عظمت الله په ديرش او کپتان راشد خان په شل رنز آؤټ شوې وو ۔
بنګله ديش باؤلرز کښې مستفيض الرحمان درې، نسم احمد او رشاد حسن دوه، دوه وکټې په خپل نوم کړې وې، د بنګله نسم احمد ته د ميچ د غوره لوبغاړي انعام ورکړې شوې دې ۔
