د ايشيا کپ ټي ټوينټي ټورنامنټ پنځم ميچ کښې سري لنکا په شپږ وکټو بنګله ديش ته شکست ورکړېدې، د بنګله ديش يو سل څلويښت رنز هدف سري لنکا څلور وکټو په زيان پنځلسم اوور کښې پورا کړې او ميچ ئې ګټلې دې ،شاندار شپږ څلويښت رنز جوړولو باندې لنکن بېټر کامل مشرا د ميچ بهترين لوبغاړې ګرځولې شويدې ۔
ابوظهبي کښې لوبيدلې د ايشيا کپ پنځم ميچ کښې سري لنکا ټاس ګټلې وو او بنګله ديش ته ئې اول د بيټنګ بلنه ورکړې وه ، بنګله ديش مقرره اوورونو کښې پنځه وکټو په زيان يو سل نهه څلويښت رنز جوړ کړي وو ۔
بنګله ديش طرف نه ټولو څخه زيات شميم حسين دوه څلويښت او ذاکر علي يو څلويښت رنز جوړولو سره ناټ آؤټ پاتې شوي وو، کپتان ليتن داس په اتۀ ويشت رنز آؤټ شوې وو ۔
سري لنکا لخوا هسا رنګا دوه، نووان توشارا او ډي چميرا يو، يو وکټ په خپل نوم کړې وې ۔
د يو سل څلويښت رنز هدف سري لنکا څوارلس اعشاريه څلور اوور کښې څلور وکټو په زيان پورا کړې او ميچ ئې آسانۍ سره ګټلې دې ۔
سري لنکا لخوا پي نسانکا پنځوس رنز باندې آؤټ شوې، لنکن بېټر کامل مشرا جارحانه شپږ څلويښت رنز جوړولو سره ناقابل شکست پاتې شوې، او د ميچ بهترين لوبغاړي اعزاز ورته ميلاؤ شويدې ۔
بنګله ديش طرف نه مهدي حسن دوه، مستفيض الرحمان او تنظيم حسين ثاقب يو، يو وکټ په خپل نوم کړې وه ۔
