وزيراعظم شهبازشريف د اسلام آباد پمز پيښه کښې د ماشوم ژوند بچ کونکي نرس رضيه نورين ته يو کروړ روپو چيک ورکړې او د هغې همت و بهادري ئې ستائلې، وزيراعظم وئيلي چې ټول قام په نرس نورين وياړ کوي، په دري ويشتم مارچ به رضيه نورين ته تمغه خدمت ايوارډ هم ورکولې شي،ملاقات دوران نرس نورين وزيراعظم ته وئيلي غوښتل مې چې د نورو ماشومانو ژوند هم بچ کړم خو داسې اونۀ شو ۔
اسلام آباد: وزيراعظم شهبازشريف د پمز هسپتال آتشزدګې دوران د ماشوم ژوند بچ کونکې نرس رضيه نورين سره وزيراعظم هاؤس کښې ملاقات کړېدې ۔
وزيراعظم نرس نورين ته يو کروړ روپو چيک ورکړېدې او ووئيل چې ټول قام په نرس رضيه وياړ کوي، قام د دې همت او بهادرې تعريفونه کوي، د قام لور نورين کارنامه به سنهري حروف سره ياده ولې شي، ټول قام هغې ته خراج تحسين وړاندې کوي ۔
وزيراعظم دا اعلام هم وکړو چې په درې ويشتم مارچ به نرس نورين ته تمغه خدمت ايوارډ هم ورکولې شي ۔
په دې موقع نرس نورين اوئيل چې غوښتل مې چې نور ماشومان هم بچ کړم، خو داسې اونشو، يو ماشوما بچ کولو روستو چاؤدنه اوشوه، ما صرف خپله ذمه داري سرته رسولې ده ۔
