ايراني وزيرخارجه عباس عراقچي د پاکستان دوره مکمل کولو وروستو د اسلام آباد نه عمان ته تلې دې ، د پاکستان دوره مکمل کيدو نه پس خپل يو بيان کښې د ايران خارجه وزير وئيلي چې د پاکستان دوره نتيجۀ خيز وه، امن لپاره د پاکستان کوششونو ته په درنه سترګه ګورو، عباس عراقچي دا هم وئيلي چې د جنګ خاتمې لپاره مې د قابلِ عمل فريم ورک په حواله د ايران دريز وړاندې کړېدې، اوس ګورو چې امريکه د جنګ ختمولو کښې سنجيده کردار ادا کوي او کنه ۔
اسلام آباد: د ايران خارجه وزير عباس عراقچي د پاکستان دوره مکمل کيدو نه پس عمان ته تلې دې، عباس عراقچي اسلام آباد کښې وزيراعظم شهبازشريف، وزير خارجه اسحاق ډار او فيلډ مارشل عاصم منير سره جدا جدا ملاقاتونه کړيدي ۔
د پاکستان دوره مکمل کيدو نه پس خپل يو بيان کښې د ايران خارجه وزير عباس عراقچي وئيلي چې د پاکستان دوره نتيجۀ خيز وه، امن لپاره د پاکستان کوششونو ته په درنه سترګه ګورو ۔
عباس عراقچي دا هم وئيلي چې د جنګ خاتمې لپاره مې د قابلِ عمل فريم ورک په حواله د ايران دريز وړاندې کړې، اوس ګورو چې امريکۀ د جنګ ختمولو کښې سنجيده کردار ادا کوي او کنه ۔
بلخوا ايراني ميډيا د ذرائعو د لارې وئيلي چې د پاکستان دورې پرمهال د ايراني وفد د امريکې وفد سره نيغ په نيغه د خبرو اترو دا وخت څه اراده نيشته ۔
ايراني وفد واضحه کړې چې ترڅو د ايراني بندرګاه يا ناکه بندي ختمه شوي نه وي ، خبرو اترو مخ په واړندې بوتلو امکان نشته ۔
