چترال کښې يوه المناکه پېښه مخې ته راغلې،لوئرچترال کښې د يو کور دپاسه د واورې ګټ راپريوتې ،د يو خاندان لس کسان د واورې غر لاندې راغلي ،پېښه کښې نهه کسان پحق رسيدلي شوى،پېښه دلوئر چترال سريگال دميل ارندو سيمه کښې رامخې ته شوېده، بلخوا صدر مملکت آصف علي زرداري په پېښه د افسوس اظهار کړې ۔
کوز چترال: ريسکيو چارواکو وينا ترمخه د لوئرچترال سريګال دميل ارندو سيمه کښې په يو کور د واورې ګټ راپريوتې، واورې ګټ راپريوتو سره کور کښې موجود لس کسان د هغې لاندې راغلي ۔
ريسکيو چارواکو وئيلي چې امدادى هلوځلو دوران د واورې ګټ لاندې راغلىي ټول لس کسان راويستې شوى چې پکښې نهه کسان پحق رسيدلي او يو ماشوم بچ شوېدې ۔
پيښه کښې پځق رسيدلي ټول کسان خپلو سيمو ته رسولي شوي، د پاک فوج او ايف سي ځوانانو امدادي هلو ځلې کړي او مړې ئې د واورې ګټ نه راويستي وو ۔
بلخوا صدر مملکت آصف زرداري په پېښه کښې د افسوس اظهار کړې او لواحقينو سره غم راځي کړېده ۔
صدر مملکت هدايات جاري کړې چې په کومو علاقو کښې واوره پريوځي هلته دې انتظاميه الرټ اوسي او څه قسمه هنګامى صورتحال کښې دې د افرادي قوت سره د مشينرۍ استعمال يقيني کړي ۔
