انډرنائينټين ورلډکپ کښې نن هم درې ميچونه لوبيدلي،د ايونټ يوولسم ميچ کښې افغانستان په يوسل، اتۀ ديرش رنز ويسټ انډيز ته ماتې ورکړې، د دوه سوه دري شپيتۀ رنز هدف کښې د ويسټ انډيز ټول ټيم يو سل څليريشت رنز باندې آؤټ شويدې، بلخوا لسم ميچ کښې انګلينډ په اتۀ وکټو کوربه ټيم زمبابوے ته شکست ورکړېدې، د امريکې او نيوزي لينډ نهم ميچ باران لوجې بغير د نتيجې ختم شويدې ۔
بولاوائيو ښار کښې لوبيدلې د انډر نائنټين ورلډ کپ نهم ميچ کښې امريکې ګټې لپاره نيوزي لينډ ته د دوه سوه، څلور پنځوس هدف ورکړې وو ۔
نيوزي لينډ اولني اوور کښې بغير د څه نقصان دولس رنز جوړ کړي وو چې بيا باران شو او ميچ بغير د نتيجې ختم شوې وو ۔
بلخوا هرارے ګراؤنډ کښې لوبيدلې د ايونټ لسم ميچ کښې زمبابوے ګټې لپاره انګلينډ ته د دوه سوه، نهه رنز هدف ورکړې وو، کوم چې انګلينډ اتۀ وکټو په زيان نهه ويشتم اوور کښې پورا کړې او ميچ ئې ګټلې دې ۔
د ټورنامنټ يوولسم ميچ کښې افغانستان په يوسل، اتۀ ديرش رنز ويسټ انډيز ته شکست ورکړېدې ۔
د افغانستان دوه سوه دري شپيتۀ رنز هدف په تعاقب کښې د ويسټ انډيز ټول ټيم يو سل څليريشت رنز باندې آؤټ شوې دې ۔
