د بلوچستان په خاران ضلع کښې سيکيورټي فورسز کاميابه کاروائي کړې، چې پکښې دولس ترهه ګر وژلي شويدي، آئي ايس پي آر وئيلي چې وژلي شوي ترهه ګرو دوه بينکونو نه لکونه روپۍ لوټ کړې وې، په وخت کامياب آپريشن دوران ټول ترهه ګر وژلي شويدي ۔
د پاک فوج اطلاعاتو شعبې له لوري جاري شوې بيان کښې وئيلي شوي چې د بلوچستان په خاران ضلع کښې د فتنته الهندوستان ترهه ګرو دوه بينکونو حمله کړې او څلور ديرش لکه روپۍ ئې لوټ کړېدي ۔
آئي ايس پي آر وئيلي دي چې خاران ضلع کښې شل پورې ترهه ګرو په بينکونو حمله کړې وه، او کاروائۍ دوران دولس ترهه ګر وژلي شوي ۔
بيان ترمخه سيکيورټي فورسز سيمه کښې فوري کاروائي کړې او د ترهه ګرو حمله ئې کاميابۍ سره ناکامه کړيده ۔
آئي ايس پي آر مطابق کاروائۍ دوران ترهه ګرو سره درې مختلفې انښتې شوي ، د دولس ترهه ګرو وشنې نه پس سيمه کښې کليئرنس اپريشن جاري دې ۔
