ډي جي آئي ايس پي آر ليفټننټ جنرل احمدشريف چودهري وئيلي دي چې خېبر پښتونخوا کښې ترهه ګرو ته سازګار سياسي ماحول فراهم کيږي، سياسي او دهشتګردانه جوړ جاړي ته صوبه کښې وده ميلاويږي،د ترهه ګرۍ اتيا فيصده پيښې پښتونخوا کښې شوي،تير کال اووه ويشت خودکش حملې شوي،چې پکښې پښتونخوا کښې شپاړس حملې شوي، ترجمان مطابق تير کال ملک کښې پنځه اوويا زره نه زيات آپريشنز شوي، د خېبر پښتونخوا وزيراعلیٰ صوبه کښې د فوجي آپريشن مخالفت کوي، چې دوي د آپريشن مخالفت کوي نو بيا دوي سره صوبه کښې د سيوا شوې ترهه ګرۍ پيښو مخنيوي دوئم حل څه دې؟ ترجمان مطابق افغانستان د ټولې نړې د ترهه ګرو آماجګاه جوړ شوې، القاعده، داعش، بي ايل اے او ټي ټي پي پشمول د ترهه ګرو ټول لوئې تنظيمونه افغانستان کښې موجود دي ۔
پنډۍ کښې خبري غونډې ته وينا کښې هغه اووئيل چې تير کال قانون نافذ کونکي ادارو ټول ملک کښې پنځه اوويا زره نه زيات انټيلي جنس آپريشنز کړي،بلوچستان کښې اتۀ پنځوس زره، پښتونخوا کښې څوارلس زره او نورو علاقو کښې يو زر نه زيات آپريشنز شوي د ترهه ګرۍ پنځه زره، درې سوه، اووۀ نوي پيښې رامخې ته شوي ۔
ليفټيننټ جنرل احمد شريف چودهري مطابق صرف خېبرپښتونخوا کښې درې زره نه زيات واقعات رامخې ته شوي، او دې دوران دوه زره، پنځه سوه، اووۀ نوي ترهه ګر وژلي شوي ۔
ليفټيننټ جنرل احمد شريف چودهري اووئيل چې د خېبر پښتونخوا وزيراعلیٰ صوبه کښې د فوجي آپريشن مخالفت کوي، چې دوي د آپريشن مخالفت کوي نو بيا دوي سره صوبه کښې د سيوا شوې ترهه ګرۍ پيښو مخنيوي دوئم حل څه دې؟
هغه زياته کړې چې پښتونخوا کښې آپريشن نۀ کيږي نو آيا دوي د ترهه ګرو پښو کښې کښيناستل غواړي، د صوبائي حکومت مشران اسمبلۍ کښې د دروغو بيانيه جوړوي ۔
ډي جي آئي ايس پي آر اووئيل چې تاسو ته هيڅوک دا اجازت نشي ورکولې چې خپل سياست لپاره، خپلې سهولت کارۍ لپاره، د صوبې خلق او ټوله صوبه ترهه ګرو ته اوسپارې ۔
هغۀ مخکښې اووئيل چې د ملک اهم سياستدانانو باندې ترهه ګرو حملې کړي، ولې په دوي ئې چرته هم حمله نۀ ده کړې، ترهه ګرو په پيپلز پارټۍ، مسلم ليګ ن، اے اين پي، جے يو آئي په ټولو جماعتونو حملې کړې، ولې په پي ټي آئي چرې هم ترهه ګرو حمله نۀ ده کړې ۔
افغانستان په حواله ډي جي آئي ايس پي آر اووئيل چې افغانستان د ټولې نړې د ترهه ګرو آماجګاه جوړ شوې، القاعده، داعش، بي ايل اے او ټي ټي پي پشمول د ترهه ګرو ټول لوئې تنظيمونه افغانستان کښې موجود دي ۔
هغۀ زياته کړې چې د فتنته الهندوستان او ټي ټي پي د تربيت ځايونه افغانستان کښې دي، افغانستان خپل ځان د اسلام علمبردار په توګه نړۍ ته وړاندې کوي، د ترهه ګرو اسلام سره هيڅ تعلق نيشته ۔
د پاک فوج ترجمان اووئيل چې د شام نه پنځه زره پورې نړيوال ترهه ګر افغانستان ته منتقل شوي، دې کښې يو پاکستانې هم شامل نۀ دې، او دا چې پولې بنديدو سره پاکستان کښې د ترهه ګرۍ پيښو کښې کمې راغلې ۔
د يو سوال جواب کښې د پاک فوج ترجمان اووئيل چې د يو سياسي جماعت حکومت کښې وزيراعظم ډېر بااختيار وو، دومره بااختيار وو چې آرمي چيف ئې د قام پلار ګرځولې وو ۔
هغه مخکښې اووئيل چې پاک افغان پولې بندولو سره د ترهه ګرۍ پيښ کښې ډير کمې راغلې دې، تير کال د ترهه ګرۍ لس لوئې پيښې رامخې ته شوې وې، دغه ټولو حملو کښې افغانان ککړ وو ، حمله کونکې هر افغاني د سيکيورټي ادارو کاروائۍ کښې وژلې کيږي ۔
د پاک فوج ترجمان دا هم وئيلي چې تير کال جعفر ايکسپريس، ايف سي هيډکوارټر بنو، کيډټ کالج وانا، پشمول لس لوئې حملې شوي، دې حملو خښې ککړ ټول ترهه ګر افغانان وو ۔
