کراچې کښې د ترهه ګرې کوشش ناکام کړې شوې، خفيه اطلاع په بنياد کاروائې کښې درې ترهه ګر ګرفتار کړې شوي او دوه زره کلوګرام نه سيوا بارودي مواد قبضه کښې اخيستې شوي ۔
کراچۍ ښار کښې د ترهه ګرۍ لوئې منصوبه ناکامه کړې شوې، سيکيورټي چارواکو وئيلي چې بلديه رئيس ګوټهـ کښې يوې کاروائۍ دوران څلور ټن نه زيات چاوديدونکي مواد برآمد شوې، دغه مواد د کيميکل ډبو او سلينډرو کښې ايښودي شوي وو، سيکيورټي چارواکو مطابق د نيولي شوي ترهه ګرو په نشاندهۍ دغه منصوبه ناکامه کړې شويده ۔
کراچې: خبري کانفرنس دوران ډي آئي جي، سي ټي ډي اظفر مهيسر وئيلي دي چې د څو ورځو نګرانۍ او محنت وروستو د ترهه ګرو يو منظم ګروپ بے نقاب کړې شوې ۔
اظفر مهيسر اووئيل چې آپريشن دوران درې ترهه ګر ګرفتار کړې شوي، او دوه زره کلوګرام پورې بارودي مواد قبضه کښې اخيستې شوې ۔
ډي آئي جي مطابق نيولي شوي ملزمانو شناخت جليل، نياز او حمدان په نومونو سره شويدې، ترهه ګرو اراده لرله چې کراچې کښې اهم اهداف په نښه کړي، دې مقصد لپاره بارودي مواد د افغانستان نه راوړلي شوي وؤ ۔
بلخوا وزير مملکت طلال چودهري وئيلي دي چې قانون نافذ کوؤنکي ادارو ته لويه کاميابي ترلاسه شوې، آپريشن دوران مجيد بريګيډ سره تعلق لرونکي ترهه ګر ګرفتار کړې شوي ۔
سيکورټي ذرائعو مطابق دغه چاوديدونکي مواد د کيميکل ډبو او سلينډرز کښې پټ کړې شوي وو او ترهه ګرو يو ټرک په ذريعه آئي آئي چندريګر روډ باندې د ترهه ګر ۍ منصوبه جوړه کړې وه، کومه چې ناکامه کړې شويده ۔
سيکويرټي چارواکو مخکښې وئيلي چې ترلاسه شوي بارودي مواد بم ډسپوزل سکواډ ناکامه کړي ، دې دوران شپيتۀ ډبې او سلينډرې هم قبضه کښې اخستې شويدي ۔
