د بجلۍ ناروا لوډشيډنګ او نور بنيادي مسئلوحل لپاره د کاټلنګ تحصيل جمال ګړهۍ کلي کښې لويه جرګه شوې چې پکښې د کلي سياسي او مذهبي مشرانو پشمول ګنډ شمير کښې خلقو ګډون کړېدې، مشرانو وئيلي چې د کلي مسئلې ورځ تر بله سيوا کيږي،که چرې دا مسئلې حل نۀ شوې نو مونږ به د منتخب نااهله کسانو خلاف لوئې مهم شروع کوو ۔
کاټلنگ: د جمال ګړهۍ کلی خټکو پلو جامع مسجد کښې د جماعتِ اسلامي رهنما ابراهيم بِلند مشرۍ کښې د کلي مسئلو حل لپاره لويه جرګه شوېده ۔
جرګې ته خپله وينا کښې د جماعت اسلامي رهنما ابراهيم بلند، قاضي مطيع الدين، حاجي نورالاسلام، مفتي عبدالوکيل اعوان قادري، چيئرمين مفتي دلاور شاه، مولانا حکيم او عاصم خان ايډووکيټ پشمول د کلي نورو مشرانو او ځوانانو ګڼ شمير کښې ګډون کړېدې ۔
جرګې ته خپله وينا کښې ابراهيم بِلند اووئيل چې د ټول کلي مشرانو سره په شريکه به د کلي ټولې مسئلې حل کولې شي، هر دفتر ته به ورځو،هر افسر سره به کښينو او ورله به خپلې مسئلې په ګوته کوؤ ۔
د جماعتِ اسلامي مشر اووئيل چې د خپل کلي مسئلې به په خپله حل کولو لپاره زبردست کوششونه کوؤ، سياسي وابستګي د هر چا په خپل ځائې، خو د کلي مسئلو لپاره به په يوځائې کوششونه کوؤ ۔
جرګې ته خپله وينا کښې نورو مشرانو اووئيل چې منتخب نمائندګانو ووټونه اخستي او بيا ئې د کلي خلق بيخي هير کړېدي، دوي د کلي خلقو سره ظلم شروع کړېدې ۔
دوي اووئيل چې جمال ګړهۍ کلي کښې د خواؤشا نورو علاقو مقابله کښې د بجلۍ لوډشيډنګ ډير زيات دې، د دې مسئلې حل لپاره مقامي خلق کوششونه کوي ولې منتخب کسانو دې مسئله باندې ځان غلې کړېدې ۔
په دې موقع حاجي نورالاسلام اووئيل چې د کلي خلقو ته د فرش سړک هم لوئې مسئله راپيښه ده، دې حوالې سره هم زمونږ کوششونه روان دي چې دا لوئې مسئله هم زر تر زره حل شي ۔
د جرګې مشرانو وينا وه چې کلي کښې لوډشيډنګ سره سره سړکونه تباه دي، د تعليمي ادارو بد حال دې، که چرې صوبائي حکومت او مقامي منتخب نمائندګانو د جمال ګړهۍ کلي مسئلې حل نکړې نو مونږ به سوات موټروے تړو او نمائندګان به هم بيا دفترونو کښې کار اونکړې شي ۔
