آرمى چيف جنرل عاصم منير ممکنه فوجي مهم جوئې باندې بهارت ته پيغام ورکړې او وئيلي دي چې پاکستان د علاقائى امن عزم لري ولې که بهارت د څۀ قسمه فوجي مهم جوئۍ اراده اوکړه نو فورى او موثره جواب به ورکولې شي ۔
آئى ايس پى آر مطابق آرمي چيف جنرل سيد عاصم منير د ټله فيلډ فائرنګ رينج دوره کړې او دې نه علاوه ئې د منګله سټرائيک کور فوجي مشقونو جائزه هم اخستې ده ۔
په دې موقع آرمي چيف فوجي ځوانانو سره خبرې اترې هم کړي او د فوجي افسرانو او ځوانانو لوړې حوصلې او جنګي مهارت او جذبې ستائنه ئې کړې ده ۔
آئى ايس پى آر مطابق په دې موقع آرمي چيف جنرل عاصم منير خپل خطاب کښي وئيلي چې مونږ د خوږ وطن خپلواکۍ او سلامتيا يقينى کولو عزم لرو ۔
د پاک فوج سربراه اووئيل چې پاکستان منطقه کښې د امن خواهش لري ، د قامي مفاداتو تحفظ لپاره زمونږ تياري او عزم نۀ ماتيدونکى دې ۔
آرمى چيف د پاک فوج ځوانانو ته خپل خطاب کښې په ډاګه کړې که چرې هندوستان د څه قسمه فوجي مهم جوئۍ اراده اوکړه نو بهرپور او فيصله کن جواب به ورله ورکولې شي ۔
