د پاکستان سپر ليګ لسم ايډيشن خوندور او دلچسپ ميچونه پاکستان کښې جاري دې ۔
پنډۍ سټيډيم کښې لوبيدلې د ميګا ايونټ دوئم ميچ کښې پيښور زلمي ټاس ګټلې وو او پخپله ئې اول د فيلډنګ فيصله کړې وه ۔
کوئټه ګليډي ايټرز مقرره اوورونو کښې درې وکټو په زيان دوه سوه شپاړس رنز جوړ کړي وو ، چې پکښې ټولو نه زيات کپتان سعود شکيل نهه پنځوس، فِن ايلن دري پنځوس او حسن نواز يو څلويښت رنز جوړ کړي وو ۔
پيښور زلمي طرف نه علي رضا، کيلےجوزف او سفيان مقيم يو، يو وکټ په خپل نوم کړې وې ۔
د مقرره هدف په تعاقب کښې د پيښور زلمي ټول ټيم شپاړسم اوور کښې يو سل شپږ ديرش رنز باندې آؤټ شوې او ميچ ئې په اتيا رنز بيللې دې ۔
زلمي لخوا صائم ايوب پنځوس، حسين طلعت پنځه ديرش ، مچل اوون يوديرش او کپتان بابراعظم په صفر آؤټ شوې دې ۔
ګليډي ايټر لخوا ابراراحمد څلور، محمد عامر او عثمان طارق دوه، دوه وکټې په خپل نوم کړېدي،شاندار باؤلنګ باندې د ګليډي ايټرز ابراراحمد د ميچ بهترين لوبغاړې ګرځولې شويدې ۔
