فیلډ مارشل سید عاصم منیر وئیلي دي چې پاکستان د ټولو ګاونډي هېوادونو او په خاصه توګه افغانستان سرہ غوره تعلقات او په امن اوسیدل غواړي، خو مونږ به پخپله خاورہ د افغانستان لخوا ترھه ګري چرې هم برداشت نکړو ، فیلډمارشل اووئيل چې خېبرپښتونخوا به د ترهه ګرو او هغوي سهولت کارو څخه په مکمله توګه صفا کولې شي ۔
د پاک فوج اطلاعاتو شعبې له لوري جاري بيان کښې وئيلي شوي چې فیلډ مارشل سید عاصم منیر د پيښور دورہ کړې او د قبائلی عمائدینو جرګې سره ئې مهم ليدۀ کاتۀ هم کړيدي ۔
د پيښور دورې دوران فیلډ مارشل سید عاصم منیر ته د پاک افغان سرحد امن او استحکام په ځائې ساتلو، د ترهه ګرۍ مخنيوي کاروائيانو او د منطقې موجودہ سکیورټی صورتحال او آپریشنل تیاریانو پحقله بریفنګ ورکړې شويدې ۔
فیلډ مارشل عاصم منیر قبايلي جرګې ته په وينا کښې اووئيل چې د پاک افغان تاؤ تريخوالي دوران د سکیورټی فورسز سره په ملاتړ کولو هغوي د قبائلی اولس ستائنه کوي او هغوي ته خراجِ تحسین پیش کوي ۔
فیلډمارشل د ترهه ګرۍ خلاف جنګ کښې د خېبرپښتونخوا اولس قربانۍ اوستائیلې او وې وئيل چې پاکستان د ټولو ګاونډي هېوادونو او په خاصه توګه افغانستان سرہ په امن اوسیدل غواړي خو مونږ به پخپله خاورہ د افغانستان لخوا ترھه ګري چرې هم برداشت نکړو ۔
آئي ايس پي آر ترمخه سید عاصم منیر اووئیل چې افغان حکومت د ترھه ګر ډلو خلاف د کاروائۍ کولو په ځائې هغو ته سهولتونه ورکوي ۔
فیلډمارشل سيد عاصم منير اووئیل چې پاکستان او په خاصه توګه خېبرپښتونخوا به د ترهه ګرو او د هغو د سهولت کارو څخه په مکمله توګه صفا کوو ۔
آئی ایس پی آر مطابق قبائلي مشرانو د فيلډ مارشل د دریز ستائنه وکړه او ترهه ګرۍ خلاف جنګ کښې پاک فوج ته د پوره حمايت او ملاتړ باور ورکړې ۔
